Қашқадарёда 9 май — Хотира ва қадрлаш куни муносабати билан Мудофаа вазирлиги Жануби-ғарбий махсус ҳарбий округи қўшинларига қарашли ҳарбий қисмларга 116 дона «Камаз» 4326 ва «Камаз» 43118 русумли замонавий, нотекис йўллардан юра оладиган ҳарбий автомобиллар топширилди. Бу ҳақда тадбирда қатнашган «Дарё» мухбири хабар берди.
Таъкидланишича, тадбирда Мудофаа вазирининг қуролланиш ва қуроллантириш бўйича ўринбосари полковник Алишер Норбоев, Зоир Мирзаев бошчилигидаги сектор раҳбарлари, Жануби-ғарбий махсус ҳарбий округи қўшинлари қўмондони, полковник Зайнобиддин Эминов, ҳарбий хизматчилар, ёшлар, жамоатчилик вакиллари қатнашган.
Қарши шаҳридаги «Мустақиллик» майдонида 9 май — «Хотира ва қадрлаш куни» байрами муносабати билан Иккинчи жаҳон урушидаги вазиятларни акс эттирувчи кўргазмалар ташкил қилинган.
Эслатиб ўтамиз, аввалроқ Қашқадарё ҳокими Зоир Мирзаев коронавирусдан соғайиб, ўз ишига қайтгани хабар берилганди.
Изоҳ (0)