7 май куни соат 09:13 ларда Тошкент шаҳарининг Юнусобод тумани 14-мавзесида жойлашган хонадонларнинг бирида ёнғин чиқди. Бу ҳақда Фавқулодда вазиятлар вазирлиги «Дарё»га маълум қилди.
Маълумотларга кўра, 1965 йилда туғилган И.И. исмли фуқарога қарашли уйнинг балконида 10 квадрат метр майдонда жиҳозлар ёнган. Ўт ўчирувчилар воқеа жойига соат 09:21 да етиб борган ва ёнғин 09:31 да ўчирилган.
Таъкидланишича, уйнинг 60 квадрат метр майдони сақлаб қолинган. Тахминларга кўра, ёнғин қозонда ёғ қиздирилиши оқибатида юзага келган.
«Ушбу хонадон туман ФВБ инспектори томонидан 17 февраль куни ёнғин хавфсизлиги қоидаларига риоя қилиш юзасидан йўриқномадан ўтказилиб, махсус дафтарга имзо қўйдирилган», — дейилади хабарда. Ёнғин оқибатида ҳалок бўлган ёки жабрланганлар йўқ.
Аввалроқ Зангиотадаги хонадонларнинг бирида ёнғин содир бўлгани, Хоразмдаги деҳқон бозорида ёнғин юзага келгани, Чилонзорда озиқ-овқат дўкони ва тикувчилик цехида ёнғин содир бўлгани тўғрисида хабар берилганди.
Мавзуга доир: Тошкентдаги Evos кафесида ёнғин юз берди
Изоҳ (0)