Қирғизистон президенти Садир Жапаров қозоғистонлик тадбиркор ва саноатчи Алмаз Ибрагимовни ўзининг кўнгилли маслаҳатчиси этиб тайинлади, деб ёзмоқда Tengrinews.
Алмаз Ибрагимов Қирғизистоннинг Иссиқкўл вилоятида туғилган, узоқ йиллар давомида у Қозоғистондаги йирик саноат корхоналарининг топ-менежери бўлган.
Маълумотларга кўра, Алмаз Ибрагимов турли йилларда Каскелен шаҳридаги (Қозоғистон) «Полимер» заводининг директори, «Павлодар алюминий заводи» ОАЖнинг бош директори, «Қозоғистон алюминийси» ОАЖ ва «Қозоғистон электролиз заводи» ОАЖнинг президенти лавозимларида фаолият юритган.
Қозоғистон иқтисодиётини ривожлантиришга қўшган ҳиссаси учун Алмаз Ибрагимов «Ҳурмат» ва «Ватан» орденлари билан мукофотланган, шунингдек, у I ва III даражали «Барс» ордени ва «Енбек данки» нишонининг III даражали соҳиби ҳисобланади ҳамда Қозоғистон минерал ресурслари академиясининг фахрий академиги ва С.Торайгиров номидаги Павлодар давлат университетининг фахрий профессори унвонига эга.
Изоҳ (0)