Испанияда паэлья — гуруч, денгиз маҳсулотлари, сабзавотлар ва товуқ гўшти қўшиб тайёрланадиган испан миллий таомини тайёрлашга қодир дунёдаги биринчи робот-қўл яратилди. Mimcook ва br5 компаниялари томонидан яратилган «паэльеро»га кўплаб меҳмонхона ва ресторанлар тармоқлари қизиқиш билдирган, деб ёзади Esquire.
Роботдан фойдаланиш учун тайёрлаш дастурини танлаш ва маҳсулотларни унга юклаш керак. Махсус компьютерлаштирилган қўл ёрдамида ишлайдиган робот таомни ўзи тайёрлайди. Ихтирочиларнинг ҳисоблашича, робот-қўл инсон учун оғир бўлган вазифаларни бажаришига ва унинг ижодкорликка диққатини жамлашга ёрдам беради.
бр5 асосчиси Энрике Лиллонинг сўзларига кўра, кўп функцияли робот паэльядан бошқа таомларни ҳам тайёрлай олади. Масалан, у картошка қовуриши, грилл билан ишлай олиши, гамбургер учун котлетлар пишириши мумкин.
Валенсия аҳолиси Лиллони хафа қилмаслик учун робот-қўл ёрдамида тайёрланган паэльяни «гуручли таом» деб аташмоқда. «Бу барибир қизиқарли, чунки паэлья — бу сиз тайёрлаган таом эмас», — дея қўшимча қилади у.
Аввалроқ Guru IoT компанияси уй ҳайвонларига эгаси йўқлигида ёрдам берадиган Peddy роботи, Германияда эса худди инсонлар каби қучоқлашга қодир робот яратилгани тўғрисида хабар берилганди.
Мавзуга доир: Австралияда олма теришга қодир робот яратилди (видео)
Изоҳ (0)