Фарғона вилоятидаги 4 та умумтаълим мактабида ўқувчилар орасида коронавирусга чалиниш ҳолати аниқлангани сабаб таълим даргоҳида масофавий ўқиш тизимига ўтилди. Вилоят Халқ таълими бошқармасининг «Дарё»га маълум қилишича, Фарғона шаҳридаги 7, 15, 21, 22, 24, 37-мактаблар, чет тилларига ихтисослашган мактаб-интернат, вилоят кўзи ожиз болаларга ихтисослаштирилган мактаб-интернати, Қувасой шаҳридаги 1-мактаб ва Олтиариқ туманидаги 41-мактабда 1 нафардан ўқувчида коронавирус инфекцияси аниқланган.
Қайд этилишича, касалликнинг ўқитувчилар ва ўқувчилар орасида тарқалишининг олдини олиш мақсадида Фарғона шаҳридаги 7, 37–мактаблар, чет тилларига ихтисослашган мактаб-интернат, вилоят кўзи ожиз болаларга ихтисослаштирилган мактаб-интернатидаги ўқув жараёни 14 кунга масофавий (онлайн) шаклга ўтказилган.Фарғона шаҳридаги 15, 21, 22, 24-мактаблар, Қувасой шаҳридаги 1-мактаб ва Олтиариқ туманидаги 41-мактабларда эса фақат коронавирус инфекцияси аниқланган синфлар карантинга олинган.
Ўқув жараёни масофавий шаклга ўтказилган ҳар бир мактабда 14 кундан сўнг ўқитувчи ва ўқувчилардан олинадиган тест натижаларига қараб анъанавий ўқиш бошланиши кўзда тутилган.
Мавзуга доир:
- Самарқанддаги 31 та мактабнинг ўқитувчи ва ўқувчиларида коронавирус аниқланди. Мактаблардаги ўқув жараёни онлайн шаклга ўтказилди
- Бухоро вилоятидаги 11 та мактаб ўқитувчи ва ўқувчиларда коронавирус аниқлангани сабаб карантинга ёпилди
- Самарқанддаги 4 та МТТ тарбияланувчилари ва тарбиячиларида коронавирус касаллиги аниқланди
Изоҳ (0)