Европа Суперлигасига асос солган 12 та клуб жазога тортилмайди. Бу ҳақда Испания АS нашри хабар қилмоқда.
УЕФА ижроқўмининг 23 апрель кунги мажлисида шу қарор қабул қилинган.
«Ушбу ҳафтадаги воқеалардан кейин биз олға юришда давом этиш ва ўйинлар олдидан футбол жамоатчилигини илҳомлантиришни истаймиз.
Фақат бир-биримизни хабардор қилган ҳолда ишласаккина клублар майдонда ва унинг ташқарисида муваффақиятга эришиши мумкин», — дейилади Европа клублари ассоциацияси (ECА) баёнотида.
Европанинг 12 клуби («Реал», «Ювентус», «Барселона», «Атлетико», «Милан», «Интер», «Манчестер Юнайтед», «Манчестер Сити», «Челси», «Ливерпуль», «Тоттенҳэм», «Арсенал») янги мусобақага асос солганди. Бироқ лойиҳа кўп ўтмай муваффақиятсизликка учради.
Эслатиб ўтамиз, айни вақтда фақат «Реал» ва «Барселона» клублари Суперлига аъзолигида бўлиб турибди. Қолган барча жамоалар лойиҳани тарк этганини маълум қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)