Келгуси йиллардаги глобал ҳарорат Ерда 35 миллион йил олдин қайд этилган даражага етади. Бу ҳақда Россия Фанлар Академияси қошидаги Атмосфера физикаси институтининг катта илмий ходими Александр Чернокулский маълум қилди, деб ёзмоқда Tengrinews.
Чернокулский сценарийлардан бирида глобал ҳарорат қандай кўтарилиши мумкинлигини айтиб берди.
«Ҳозирча биз қўллаётган ‘одатий бизнес’ сценарийсида (иссиқхона газларининг антропоген чиқиндилари камаймайди) ҳарорат Ерни тахминан 35 миллион йил ортга қайтаради», — деди Чернокулский «Экочашка» экологик фильмлар фестивалида сўзлаган нутқида.
Мавзуга доир: Олимлар: 2100 йилга бориб ёз фасли ярим йил давом этади
«Бутун тизим бошқача эди. Ўсимликлар, қитъаларнинг жойлашуви бутунлай бошқача бўлган. У пайтда муз миқдори унчалик кўп эмас эди, океан сатҳи, атмосферанинг кимёвий таркиби ҳам бошқача эди», — деб қўшимча қилди Чернокулский.
Аввалроқ Халқаро метеорология ташкилоти (ХМТ) 2020 йил энг иссиқ йиллардан бири бўлганини маълум қилди. Ўртача глобал ҳарорат 14,9 градусни ташкил этди, бу XIX аср охиридагидан 1,2 градусга кўпроқ.
2015 йилдан буён ҳар бир йил тарихдаги энг иссиқлари бўлиб келмоқда, 2011—2020 йиллар эса энг иссиқ ўн йиллик деб тан олинди.
Аввалроқ иқлим ўзгариши оқибатида қишлоқ хўжалигининг умумий миллий маҳсулдорлиги 1960 йиллардан буён 21 фоизга пасайгани маълум бўлди. Бундай пасайиш сўнгги етти йил ичидаги маҳсулдорликнинг ўсишини йўқотиш билан тенгдир, дея таъкидлайди олимлар.
Изоҳ (0)