Буюк Британия қироличаси Елизавета II турмуш ўртоғи шаҳзода Филипп вафотидан тўрт кун ўтгач, яна монархлик мажбуриятларини бажаришга қайтди. Бу ҳақда The Guardian хабар берган.
Елизавета II қироллик саройидаги энг юқори лавозим ҳисобланувчи лорд-камергер ўрнида ишлаган Уильям Пилни нафақага кузатиш маросимида иштирок этган. Пил қироллик уйидаги хўжалик фаолиятига жавобгар бўлган. Британия МI5 разведкасининг собиқ бошлиғи Эндрю Паркер ушбу лавозимга тайинланган.
Шаҳзода Филипп 9 апрелда 99 ёшда вафот этган. Қиролича турмуш ўртоғининг вафотидан кейин мамлакатда саккиз кунлик мотам эълон қилинди. Шаҳзода Филиппнинг дафн маросими 17 апрелда бўлиб ўтади. Маросим COVID-19 пандемияси туфайли оммавий тадбирларсиз ўтказилиши мумкин.
Қиролича Елизавета II ва шаҳзода Филиппнинг ўғли шаҳзода Эндрю онасининг отаси ўлимидан кейин руҳий тушкунликка тушганини билдирган. Унинг қайд этишича, Филиппнинг ўлими туфайли қиролича ҳаётида катта руҳий тушкунлик юзага келган.
Изоҳ (0)