Тошкентнинг Миробод туманида 3 апрель куни соат тахминан 21:10 да бешта автомобиль иштирокида ЙТҲ содир бўлди, деб хабар бермоқда ЙҲХББ матбуот хизмати.
Миробод тумани, Шаҳрисабз ва Амир Темур кўчалари кесишган чорраҳада Lacetti, Toyota, Spark, Malibu ва Nexia тўқнашган. Оқибатда Nexia’нинг 20 ёшли ҳайдовчиси Ж.С. жароҳат олган. Унга биринчи тез тиббий ёрдам кўрсатилган.
Мазкур ЙТҲ юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда.
Аввалроқ Тошкентнинг Амир Темур кўчасида Malibu ва Lacetti иштирокида содир бўлган ЙТҲ оқибатида бир киши шифохонага ётқизилгани, Юнусобод тумани Буюк Турон ва Зарафшон кўчалари кесишган чорраҳада Lacetti ҳамда Spark иштирокида тўқнашув оқибатида ҳам бир киши шифохонага ётқизилгани ҳақида хабар берилган эди.
Изоҳ (0)