Цитрус меваларни, хусусан, апельсин ва апельсин шарбатини ҳаддан ортиқ истеъмол қилиш тери саратонининг ривожланишига сабаб бўлади. Бу ҳақда АҚШдаги Индиана университети тадқиқотчилари томонидан эълон қилинган маълумотларга таяниб, «Korrespondent.net» хабар берди.
Таъкидланишича, овқатланиш рационига кунига икки порциядан ортиқ цитрус меваларни қўшган инсонларда меланома хавфи уни истеъмол қилмайдиганларга нисбатан 63 фоизга ортади.
Апельсинга келинадиган бўлса, кунига бир порциядан ортиқ апельсин ва апельсин шарбатини ичиш тери саратони юзага келишини мос равишда 79 ҳамда 54 фоизга оширади.
Олимларнинг тахминича, бунга цитрус мевалар таркибида бўладиган ва фотосенсибиллаштирувчи ҳамда фотокарсиноген хусусиятларга эга псоларен моддаси сабабчи. Айниқса, бу каби онкологик касалликларга ёрқин ва жуда ёрқин терига эга инсонлар учрайди.
Аввалроқ апельсин шарбати ошқозон ости безига зарар етказадиган ичимликлар қаторига киритилгани маълум қилинганди.
Изоҳ (0)