Фарғона вилоятининг Қува туманида ниқоб таққан бир гуруҳ шахслар томонидан содир этилган босқинчилик жинояти қисқа муддатда фош этилди. Бу ҳақда «Дарё»га вилоят ИИБ ахборот хизмати хабар берди.
Қайд этилишича, 2021 йилнинг 30 март куни соат 00:50 да уч нафар номаълум шахс юзига ниқоб таққан ҳолда тумандаги маҳаллаларнинг бирида яшовчи Я.А.нинг яшаш хонадонига ғайриқонуний равишда бостириб кирган.
Босқинчилар хонадон эгасининг ётоқхонада ухлаб ётган қизи Ю.О. ва унинг турмуш ўртоғи Ю.Ф. танасининг турли жойларига ҳаёти ёки соғлиғи учун хавфли бўлган усулда қўллари билан уриб, пул беришини талаб қилган. Аммо Ю.Ф. уларнинг бирига фаол қаршилик кўрсатган. Босқинчилардан бири шеригини қутқариш учун ўткир тиғли жисм билан қуролланиб, Ю.Ф.га тан жароҳати етказган ва ҳодиса жойидан яширинган.
Мазкур ҳолат юзасидан Қува тумани ИИБ ҳузуридаги тергов бўлими томонидан Жиноят кодексининг 164-моддаси 3-қисми «в», «г» банди (уй-жойга ғайриқонуний равишда кирган ҳолда босқинчилик қилиш) билан жиноят иши қўзғатилган.
Фарғона вилояти ИИБ ЖҚБ ва Қува туман ИИБ ходимлари томонидан олиб борилган тезкор қидирув ҳаракатлари давомида ушбу жиноятни Қ.Н., Қ.М. ва О.А. содир этгани аниқланиб, процессуал тартибда ушланган.
Ҳозирда мазкур ҳолат юзасидан тергов ҳаракатлари давом этмоқда.
Мавзуга доир:
- Фарғонада хонадонларнинг бирига бостириб кириб, эр-хотинга ҳужум қилган шахслар ҳодиса жойида қолдириб кетилган куртка сабаб топилди
- Зангиотада ухлаб ётган эр-хотинга ўроқ билан жароҳат етказиб, хонадондан машина ва бошқа буюмларни ўғирлаб кетган шахс ушланди
- Наманганда Хитой фуқароларига нисбатан босқинчилик содир этиб, уларнинг қарийб 20 минг доллар пулини қўлга киритган шахслар ушланди
Изоҳ (0)