Европа Иттифоқининг доимий вакиллари қўмитаси Эронда инсон ҳуқуқларининг поймол қилиниш ҳолатлари кузатилган деб гумон қилган ҳолда саккиз нафар жисмоний ва уч юридик шахсга нисбатан чеклов чораларини қўллаш ҳақида қарор чиқарди. Бу ҳақда Брюсселдаги манбаларига таяниб Reuters агентлиги хабар берди.
Санкциялар Евроиттифоқ кенгаши томонидан расман тасдиқланганидан кейин, яқин кунлар ичида кучга киради. Чекловлар Эронда 2019 йилда бўлиб ўтган норозилик намойишларини аёвсиз бостириш билан боғлиқ ҳаракатлар сабаб жорий қилинади.
Чеклов чоралари Евроиттифоқдаги инсон ҳуқуқлари масалалари бўйича янги санкциялар механизми доирасида қабул қилинган, аввал мазкур рўйхатга Россия ҳамда Хитойнинг бир неча фуқаролари киритилган, бу Москва, айниқса Пекин билан халқаро муносабатлардаги кескинликни янада оширди. Хитой ЕИ санкцияларига жавобан ўз чекловларини эълон қилди.
Мавзуга доир:
Изоҳ (0)