Самарқанд вилоятида Қўшработ туманида Nexia русумли қувиб ўтишга уринган Spark ҳайдовчиси йўл четида ҳаракатланаётган пиёдани уриб юборди, деб хабар беради ИИВ ЙҲХББ ахборот хизмати.
Маълум қилинишича, 29 март куни туманнинг «Қўралос» маҳалласи ҳудудидан ўтувчи Маржонбулоқ—Қўшработ—Зарминот йўналишли 4Р-43 автомобилининг 107-километрида 62 ёшли ҳайдовчи Spark автомобилида қувиб ўтиш қоидаларини бузган ҳолда йўлнинг қарама-қарши ҳаракатланиш бўлаги чекка қисмида бўлган 56 ёшли аёлни уриб юбориб, ЙТҲ содир этган.
Жабрланувчи аёл олинган тан жароҳатлари оқибатида воқеа жойида вафот этган.
Мазкур ҳолат юзасидан ҳайдовчига нисбатан Жиноят кодексининг тегишли моддаси билан жиноят иши қўзғатилган.
Аввалроқ Қаршида икки нафар пиёдани уриб юбориб, воқеа жойидан кетиб қолган Сobalt ҳайдовчиси 15 суткага қамалгани, Навоийда йўлни кесиб ўтаётган маст пиёдани Damas уриб кетгани, Наманганда Isuzu юк машинаси пиёдани уриб юбориши оқибатида жабрланувчи шифохонада вафот этгани тўғрисида хабар берилганди.
Изоҳ (0)