Бош прокуратура томонидан Тошкент вилоятида суғориладиган ерларни ноқонуний ўзлаштириш ва ушбу ҳудудларда турли хил объектларни қуриш ҳолатларини аниқлади. Бу ҳақда «Ўзбекистон 24» телеканалида томонидан эълон қилинган репортажда сўз боради.
2021 йил бошидан буён вилоятда 159 гектар ер участкаларини ноқонуний ўзлаштиришга боғлиқ 416 та ҳолат аниқланган. Ушбу ҳудудларнинг 88 гектарига 789 та объект ноқонуний қурилган. Айни вақтда уларнинг 63 гектар ҳудуддаги 517 таси бузиб ташланган.
Масалан, Қибрай туманида 2019 йилда фермер хўжаликларини ташкил этиш учун ер ажратилган, бироқ шу йилнинг ўзида ерлар туман ҳокимлиги захирасига қайтарилган. Кейинроқ ҳоким қарори билан ерлар «Нерудник Ирис» боғ-узумчилик шерикчилигига берилган.
Корхона раҳбари 9 сотих ерни 17 нафар фуқаро мустақил иншоот қуриши учун ўзбошимчалик билан ажратиб берган. Тошкент вилояти ҳокимлигини аниқлик киритишича, ишлар туман ҳокимлигини рухсатисиз, архитектура ва қурилиш нормаларини қўпол бузган ҳолда бошланган. Ҳудудлар бетон девор билан чегаралангани сабаб қишлоқ хўжалиги ерлар фойдаланишга яроқсиз ҳолга келиб қолган.
«Қишлоқ хўжалигига бўлинган ерлар аукционга қўйилмайди. Тегишли корхоналар у ерда қурилиш белгилашга ёки бирор кўрсатма беришга ҳақли эмас», — дейди Қибрай ҳокими Мираъзам Мирқосимов.
Прокуратура талабига кўра, ҳуқуқбузарлар ўзбошимчалик билан қурган иншоотларини ўзлари бузган, ерлар ҳокимликка қайтарилган.
Қишлоқ хўжалиги ерларида бинолар қуриш қишлоқ хўжалигида ер ва сув ресурсларидан самарали фойдаланиш чора-тадбирлари тўғрисидаги фармони билан тақиқланган.
Аввалроқ Ўзбекистонда ер участкалари бўйича қонунбузарликлар ҳақида хабар берган фуқароларга пул мукофоти берилиши тўғрисида хабар берилганди.
Изоҳ (0)