Uzbekistan Airways авикомпанияси багаж ташиш қоидаларини Piece Concept (ўриндиқлар сони бўйича)га ўзгартирди, илгари бунга қадар Weight Concept (оғирлиги бўйича) меъёрлари амал қилар эди. Бу ҳақда компания матбуот хизмати маълум қилди.
Унга кўра, 28 мартдан багаж ташишнинг қуйидаги меъёрлари жорий этилмоқда:
Бизнес-класс учун:
- уч ўлчов суммаси бўйича 32 килограммдан ва габарити 158 сантиметрдан ошмаган оғирликдаги 1 рўйхатга олинган багаж;
- чақалоқ учун ўрин берилмаган ҳолда уч ўлчов суммаси бўйича 10 килограммдан ва габарити 115 сантиметрдан ошмаган 1 рўйхатга олинган багаж.
- уч ўлчов суммаси бўйича 23 килограммдан ва габарити 158 сантиметрдан ошмаган оғирликдаги 1 рўйхатга олинган багаж;
- чақалоқ ўрни берилмаган ҳолда уч ўлчов суммаси бўйича 10 килограммдан ва габарити 115 сантиметрдан ошмаган 1 рўйхатга олинган багаж.
- эконом-класс учун — 1 багаж учун 8 килограмм;
- бизнес-класс учун — 1 багаж учун 10 килограмм.
Истисно ҳолатлар:
Ўзбекистон—Истанбул/Дубай/Шаржа ва орқага қайтиш йўналишларида олиб ўтиладиган багаж меъёри Weight Concept тартиби бўйича амал қилади.
Шу билан бирга, Истанбул/Дубай/Шаржага/дан бўлган ўтувчи халқаро йўналишларда олиб ўтиладиган багаж меъёри Piece Concept бўйича қўлланилади (истисно Ўзбекистоннинг шаҳарларига/дан — Истанбул/Дубай/Шаржа ва орқага қайтиш ўтувчи йўналишларида олиб ўтиладиган багаж меъёри Weight Concept тартиби бўйича қўлланилади);
Нью-Йорк ва Пекин учун олиб ўтиладиган багаж меъёри ўзгаришларсиз қолади (истисно Тошкент—Нью-Йорк ва орқага қайтиш йўналишида 2021 йил 28 мартдан сотув учун қайтарилмаслик шарти билан эконом-класси тарифлари бўйича 23 килограммдан ортиқ бўлмаган 1Piece Concept олиб ўтиладиган багаж меъёри белгиланади).
Компания чиптани сотиб олишда, албатта, тарифларни қўллаш шартлари ва қоидалари билан танишиб чиқишни тавсия этган.
Эслатиб ўтамиз, 2020 йилнинг октябрида Uzbekistan Airways қўл юклари ташувига чекловлар ўрнатганди.
Изоҳ (0)