Қозоғистон пойтахти Нур-Султонда коронавирус билан касалланиш ҳолатлари ортгани сабабли 30 мартдан янги карантин чекловлари амал қилишни бошлайди. Шаҳарнинг бош давлат шифокори Сархат Бейсенова тегишли қарорга имзо чекди, деб ёзади «Интерфакс».
Хабарга кўра, аҳоли орасида касалликка чалиниш ҳолатининг ортиши ва инфекциянинг юқори кўрсаткичда давом этаётгани, шунингдек, эпидемиологик баҳолаш бўйича Нур-Султон шаҳрининг «қизил зона»да жойлашганини ҳисобга олган ҳолда, Бейсенова оммавий тадбирлар ўтказиш ва уларда қатнашиш, фаолияти тикланмаган муассасаларга боришга қўйилган тақиқларни, шунингдек, ниқоб тақиш мажбуриятини давом эттиришга қарор қилди.
Қарорга биноан, савдо ва кўнгилочар марказларининг, шунингдек, савдо уйларининг иш вақти иш кунлари соат 17: 00 га қадар қисқартирилди, дам олиш кунлари уларнинг фаолиятга тўлиқ тақиқ қўйилди. Пойтахтдаги мактаб битирувчиларидан ташқари бошқа ўқувчилар ва олий ўқув юртлари талабалари масофавий таълимга ўтказилмоқда. Ресторан ва кафеларнинг фаолияти иш кунлари соат 07:00 дан 22:00 гача, дам олиш кунлари эса тақиқланган. Дам олиш кунлари овқатланиш шохобчаларида фақат буюртма асосида етказиб бериш ва олиб кетишга рухсат берилади.
Қарорда, шунингдек, давлат органлари, миллий компания ва корхоналар маъмурий ходимларининг камида 80 фоизини масофадан ишлаш шаклига ўтказиш назарда тутилган.
Жамоат транспортидан дам олиш кунлари фойдаланишга қўйилган тақиқ ўз кучида қолади.
Нур-Султон 10 мартдан бери коронавирус тарқалиши жиҳатидан «қизил» (юқори хавф) ҳудудда. Пойтахтда коронавирусга чалиниш бўйича 29 март ҳолатига кўра, 3 034 та ҳолат қайд этилган, шаҳарда ҳар куни 300 нафардан ортиқ кишида инфекция аниқланмоқда.
Мавзуга доир: Қозоғистон пойтахтида коронавирусга чалиниш ҳоллари кўпайгани сабабли реанимация бўлимларида жой қолмади
28 март куни мамлакатда 1492 киши COVID-19 юқтирган эди. Ҳаммаси бўлиб мамлакатда 243 318 та ҳолат тасдиқланган:
- Олмаота шаҳрида — 33 557 (+545);
- Нур-Султон шаҳрида — 30 238 (+204);
- Шарқий Қозоғистон вилоятида — 22 822 (+22);
- Павлодар вилоятида — 19 090 (+30);
- Атирау вилоятида — 18 577 (+63);
- Қарағанда вилоятида — 17 563 (+92);
- Ақмола вилоятида — 15 284 (+45);
- Ғарбий Қозоғистон вилоятида — 14 952 (+76);
- Кўстанай вилоятида — 13 747 (+38);
- Шимолий Қозоғистон вилоятида — 13 026 (+25);
- Олмаота вилоятида — 13 287 (+177);
- Чимкент шаҳрида — 6758 (+13);
- Жамбил вилоятида — 6373 (+25);
- Ақтўбе вилоятида — 5154 (+73);
- Туркистон вилоятида — 4478 (+8);
- Манғистов вилоятида — 4396 (+0);
- Қизилўрда вилоятида — 4016 (+9).
Изоҳ (0)