Машҳурлик инсонни бутунлай ўзгартириб юбориши мумкин. Аммо дунёда қанчадан қанча шуҳратга эришган инсонлар ўзининг хулқ-атвори билан ҳам мухлислар кўнглидан жой олиб келмоқда. Лекин баъзилар том маънода ўзгариб, ўзларининг хатти-ҳаракати билан атрофдагиларнинг кулгисига сабаб бўлади, холос.
Канье Уэст
Каньенинг ғарблик мухлислари хонандани шу даражада кўкка кўтардики, бунинг ортидан бир қанча аҳмоқона ҳазилларни ўйлаб топди. Канье ҳам уларнинг ҳазилини жиддий қабул қилиб, ўзини гўёки Худога қиёслади. Ўғли дунёга келгач, унга Саинт, яъни Авлиё деб исм қўйди. Канье авваллари жуда юқори ҳурматга эга эди. Бундан ташқари, 2013 йилда Канье «I Ам Год» номли альбомини ҳам тақдим этган. Шунингдек, у ўзи ҳақида: «Ҳаётимдаги энг катта фожиа шундаки, мен ўз ижромни ташқаридан кузата олмайман», дейди.
Беёнсе
Беёнсени кимдир тўхтатиб қолмаса, у ҳам ҳаддан ошиш борасида Каньега етиб олади. У гарчи фарзандига Саинт деб исм қўймаган бўлса-да, ўзини Биби Марям каби тутади. Диний либос, кўриниш билан унга тақлид қилади. 2017 йил «Гремми» тақдирлаш маросимида юлдуз тилларанг либос ҳамда тож билан кўриниш берган. Шунингдек, эгизак фарзандларини кўрсатишга қарор қилганда ҳам худди шу услубдан фойдаланди ва суратларини Instagram саҳифасига жойлаштирган.
Жей Зи
Рианна
Рианнанинг қўлида доим бир қадаҳ шарбат, кўзларида эса нафратни кўриш мумкин. Хонанда мухлислари билан қўпол равишда муомала қилади. Одатда концерт дастурларига кечикади, унга бирор нарса ёқмаса, дарров уни ифода этишда иккиланмайди. Унга юқори ҳақ тўланадиган давраларда эса ўзининг ташриф буюргани учун ҳар бир киши тақдиридан миннатдор бўлиши керакдек тутади. Шунингдек, Рианна бировнинг ютуқларидан қувонишни билмайди. Ҳаттоки 2017 йил «Гремми» мукофотини топшириш маросимида у махсус спиртли ичимлик солинган идиш билан ташриф буюрган. Ҳар йили унинг ғолиблиги эълон қилинганида хонанда шундай бўлиши кераклигини бутун қиёфаси орқали намоён этиб, қадаҳ кўтарар эди. Аммо ўша йили у уйга қуруқ қўл билан қайтишига тўғри келган.
Женнифер Лопес
Женнифер энг инжиқ ва талабчан юлдуз деб топилган. Жей Лонинг кийиниш хонаси ва у ердаги барча нарса оппоқ рангда бўлиши керак: девордан тортиб атиргулларгача. Аммо бошқа кўплаб машҳурлардан фарқли ўлароқ Женни нафақат ўзи, балки жамоаси ҳақида ҳам қайғуради. Унинг ижодий гуруҳи концертдан концертга шахсий самолётда саёҳат қилади, шунингдек, энг яхши меҳмонхоналарда яшайди. Шунинг учун ҳам улар юлдузнинг инжиқликларини унутиб юборади.
Линдси Лохан
2017 йил Линдси спиртли ичимлик ва гиёҳвандлик туфайли карьерасини якунлаган. Аммо орадан йиллар ўтса ҳам, у юлдузлик даври ортда қолганини тан олишни истамайди. У доимгидек ўзини машҳур инсон сифатида тутади. Шунинг учун ҳам у лойиҳалардан четлаштирилади, кейинчалик янгиларига таклиф ҳам қилинмайди. Молиявий аҳвол эса ундан ҳам ёмон. Аммо актриса ҳанузгача ўзига бино қўйишда давом этмоқда. Натижада ҳар қандай таклиф эгаси томонидан унга вақт ўтиб, рад жавоб берилади.
Мерайя Кери
Ўн йил аввал Мерайядан Женнифер билан муносабати қандай эканлиги ҳақида сўралди. «Унинг кимлигини билмайман», дея жавоб қайтарган эди Мерайя. Ўзини замоннинг ягона юлдузи деб биладиган Мерайянинг бу иши бемаъниликдан бошқаси эмас. Бир йил аввал айнан шу савол такрорланганда у: «Менинг хотирам жуда ёмон. Афтидан, биз бир неча бор учрашганмиз, аммо мен уни танимайман», – деди Мерайя. Шунингдек, Мерайянинг ҳамиша ўзи ва кучуги учун маъданли сув билан тўлдирилган ванна, полларга сочилган атиргул барглари ва саҳнага чиқишидан аввал унга сақич берадиган махсус ёрдамчиси ҳам бор.
Изоҳ (0)