Вазирлар Маҳкамасининг «Ўзбекистон Республикасидаги олий таълим муассасалари раҳбарларини лавозимларга тайинлаш тўғрисида»ги қарори қабул қилинди, деб хабар беради Telegram’даги «Ҳуқуқий ахборот» канали.
Унга кўра, Қаҳрамон Ибодуллаев Тошкент шаҳридаги А.И.Герцен номидаги Россия давлат педагогика университети Федерал давлат бюджети олий таълим муассасаси филиали ижрочи директори этиб тайинланди.
Шунингдек, қарор билан Нозим Тўйчибоев эса Андижон иқтисодиёт ва қурилиш институти ректори этиб тайинланган.
Эслатиб ўтамиз, А.И. Герцен номидаги Россия давлат педагогика университети Федерал давлат бюджети олий таълим муассасасининг Тошкент шаҳридаги филиали Ўзбекистон Президентининг 2020 йил октябрдаги қарори билан ташкил этилган. Андижон иқтисодиёт ва қурилиш институти эса Вазирлар Маҳкамасининг 2020 йил 26 августдаги 516-сон қарори билан ташкил қилинган.
Изоҳ (0)