Биргаликда роль ижро этиш учун яратилган актёрлар жуфтлиги (фото)

Баъзан фильмнинг суратга олиш жараёнларида актёрлар орасида бир-бирни тушунган ҳолда ишлаш ҳисси пайдо бўладики, режиссёрлар уларни кадрларда қайта-қайта кўришни хоҳлашади. Бу фикрга тўла қўшилган ҳолда бир-бири учун яратилган кино жуфтликлар ҳақида маълумот берамиз.

Эмма Стоун ва Райан Гослинг

Эмма Стоун ва Райан Гослинг илк марта 2011 йилда «Аҳмоқона муҳаббат« фильмида биргаликда роль ижро этиб, мукаммал жуфтликка айланишган: Эмма Райан билан ишлаш унга ёқишини ва у билан бошқа фильмларда ҳам суратга тушишга тайёрлигини айтган.

Унинг бу истаги амалга ошди: улар яна икки маротаба — 2013 йилда суратга олинган «Гангстер овчилари» ва 2016 йилда «Ла-Ла-Ленд» фильмларида севишган жуфтлик ролини ўйнашган.

Кейт Уинслет ва Леонардо Ди Каприо

Кейт Уинслет ва Леонардо Ди Каприо бир-бири билан биринчи марта «Титаник» (1997) фильмида танишган. Ўшандан бери улар яқин дўст бўлиб, ҳаётда бир-бирларини қўллаб-қувватлаб келмоқда. Ҳатто Кейтнинг тўйида Леонардо уни меҳроб ёнига ўзи олиб борган. «Титаник» экран юзини кўрганидан 11 йил ўтиб, улар «Ўзгаришларга йўл» фильмида турмуш қурган жуфтлик ролини ижро этди.

Анжелина Жоли ва Брэд Питт

Ушбу унутилмас дуэт биринчи марта 2005 йилда «Жаноб Смит ва Смит хоним» фильмида пайдо бўлган. Шу фильмнинг суратга олиш жараёнларида актёрлар бир-бирларини севиб қолишган. 10 йил ўтгач, улар Анжелина Жоли сценарийси ва режиссёрлиги асосида суратга олинган «Ложувард қирғоқ» фильмида яна бирга роль ўйнаган.

Сирша Ронан ва Тимати Шаламе

Яна бир севимли жуфтлик 2017 йилда «Бёрд хоним» фильми билан танилган. Тимоти ва Сирша нафақат ҳаётда ҳам яқин дўст, балки саҳнада ҳам ажойиб шериклардир. 2019 йилда улар «Кичик аёллар» фильмида яқин дўстлар ролини ижро этди.

Уларни яна 2021 йилда экранга чиқиши мўлжалланган «Франция нашри» фильми премьерасида кўришимиз мумкин.

Брюс Уиллис ва Сэмюэл Жексон

Актёрларнинг кинодаги ҳамкорлиги 1993 йилда бошланган. Бугунги кунга келиб Уиллис ва Жексон биргаликда 5 та фильмда роль ижро этган. Уларнинг энг машҳурлари — «Жиноий иш» (1994), «Қаттиқ ёнғоқ 3» (1995) ва «Кўзгу» (2019).

Уилл Фюррелл ва Жон Си Райли

Ушбу комедик жуфтлик аллақачон 3 та фильмда суратга тушиб улгурган. Уларнинг илк ҳамкорликдаги лойиҳаси 2006 йилдаги «Рики Бобби: Йўл қироли» бўлиб, унда Райли персонажи ўзини «доктор Ваттс» деб атайди. Қизиғи шундаки, орадан 12 йил ўтгач, улар «Холмс ва Ватсон» фильмида биргаликда роль ижро этади. Шунингдек, актёрлар «Эркин ака-укалар»да ҳам ўйнаган.

Том Хенкс ва Мег Райан

Том Хенкс ва Мег Райан бир неча маротаба севишганлар ролида чиққан. Уларнинг биринчи иши — «Жо вулқонга қарши» фильми катта муваффақиятга эришолмаган. Бироқ кейинги 2 та — «Сиэтлдаги бедорлар» (1993) ва «Сизга хат бор» (1998) фильмлари жамоатчилик томонидан жуда яхши кутиб олинган.

Роберт Де Ниро ва Жо Пеши

Ушбу афсонавий дуэт 1980 йилда «Қутурган буқа» фильмида танишган. Суратга олиш саҳналаридан бирида Роберт Де Ниро тасодифан Жо Пешининг қовурғасини синдириб қўйган. Аммо Пеши ундан хафа бўлмаган кўринади, чунки кейинчалик улар яна 4 та фильмда бирга ишлади. Энг сўнгги ҳамкорлик «Ирланд» (2019) фильми бўлиб, у 10 та номинация бўйича «Оскар» мукофотини қўлга киритди.

Дрью Берримор ва Адам Сендлер

Берримор ва Сендлернинг биргаликдаги илк фильми «Тўйдаги қўшиқчи» (1998) бўлган, кейинчалик улар «Эллик бўса» (2004) ва «Аралашганлар» (2014) фильмларида ҳам бирга ишлаган.

Тина Фей ва Эми Полар

Агар оғир иш кунидан кейин ҳордиқ чиқаришни истасангиз, ушбу хонимлар иштирокида фильмларни томоша қилинг. Улар жуда кўп фильмларда биргаликда роль ижро этган. «Оҳ, онагинам» (2008), «Опа-сингиллар» (2015) ва «Вино мамлакати» (2019) шулар жумласидан. Тина Фей ва Эми Полер ҳаётда ҳам яқин дўст.

Жулия Робертс ва Ричард Гир

Афсуски, Жулия Робертс ва Ричард Гир атиги 2 та фильмда бирга роль ўйнаган — «Соҳибжамол» (1990) ва «Қочоқ келин» (1999) фильмларидаги севишганлар роли уларни бетакрор жуфтлик сифатида эътироф этиш учун кифоя қилади.

Жонни Депп ва Ҳелена Бонем Картер

Эҳтимол, бутун Голливудда Жонни Депп ва Ҳелена Бонем Картердан ҳам ўтадиган мос жуфтлик йўқдир. Чунки улар бир-бирларига шунчалик ўхшайдики, ҳатто уларни бир характернинг эркак ва аёл варианти дейиш мумкин. Актёрлар 6 та фильмда ҳамкорликда ишлаган, улардан 5 тасига Тим Бертон режиссёрлик қилган.

Ума Турман ва Жон Траволта

Маълум бўлишича, Ума Турман «Жиноий иш» фильмида суратга тушган Траволтанинг хореографик қобилияти ҳақида билган ва шунинг учун дастлаб у билан рақсга тушишни истамаган. Аммо кейинчалик улар «Энг зўри бўл (2005) ва «Ўта хавфлилар» (2012) фильмларида суратга тушган.

Николь Кидман ва Том Круз

Том Крузнинг ўзи «Момақалдироқ кунлари» (1990) фильмидаги қаҳрамон қизи роли учун кинода эндигина фаолият бошлаган Николь Кидманни танлаган. Кейин улар «Узоқ-узоқларда» (1992) ва «Юмуқ кўзлар билан» (1999) фильмларида биргаликда роль ижро этган.