25 та мамлакатдан келадиган талабалар, аспирантлар ва ординаторларга таълимни давом эттириш учун Россия ҳудудига кириш имконияти берилди, деб ёзади «РБК» Россия Илм-фан ва олий таълим вазирлигига таяниб.
«Шуни ҳисобга олиш керакки, фақат ‘Роспотребнадзор’ томонидан хавфсиз эпидемиологик шароитга эга деб топилган мамлакатлар фуқароларигина ўқиш учун Россияга кириши мумкин», дейилади хабарда.
Россияга кириш ҳуқуқини қуйидаги мамлакатлар талабалари қўлга киритди:
- Абхазия
- Беларусь
- Озарбайжон
- Вьетнам
- Арманистон
- Греция
- Миср
- Ҳиндистон
- Қозоғистон
- Мальдив ороллари
- Қатар
- Бирлашган Араб Амирликлари
- Қирғизистон
- Сейшел ороллари
- Куба
- Сербия
- Танзания
- Сингапур
- Финляндия
- Туркия
- Швейцария
- Эфиопия
- Жанубий Корея
- Япония
- Жанубий Осетия
Чет эллик талабалар университетни Россияга етиб бориши ҳақида электрон почта орқали камида ўн кун аввал хабардор қилиши, сўнг икки марта: Россияга киришдан уч кун олдин ва мамлакатга киргандан кейин ПЗР-тест топшириши керак. Иккинчи тест жавоблари чиққунича хорижлик талабалар яшаш жойида ўз-ўзини яккалаш режимига амал қилиши лозим.
Эслатиб ўтамиз, Россия таълим ва илм-фан вазирининг буйруғи билан 8 февралдан бошлаб ушбу вазирлик ҳузуридаги олий ўқув юртларида кундузги ўқиш жараёни бошланди. 2020 йилнинг 13 ноябридан буён талабалар масофавий тарзда ўқиётганди.
16 февраль куни «Роспотребнадзор» авиақатнов тикланган мамлакатлардан келаётган хорижлик талабалар учун айрим талаблар эвазига ўқишига рухсат берган эди. Ўзбекистон ТИВ 16 февраль ҳолатига Россия Ўзбекистон фуқароларининг кириб келишлари, жумладан, ўқиш мақсадида келишлари учун ўрнатилган чекловларни бекор қилмаганини маълум қилганди.
Изоҳ (0)