Европа Иттифоқи мамлакатларида аҳолининг мунтазам қариши кузатиляпти. 2020 йилда минтақа аҳолисининг 20,6 фоизи камида 65 ёшда, бу кўрсаткич ўн йил олдингидан уч фоизга кўпроқ. Бу ҳақда «Korrespondent.net» хабар берди.
Европа Иттифоқида демографик муаммолар, хусусан, кексайиш ва аҳолининг қисқариши расман тан олинган. Еврокомиссия 2020 йилнинг июнь ойида чиқарган «Демографик ўзгаришларнинг оқибатлари» (The Impact of Demografic Change) боёнотига кўра, 2070 йилга келиб Европа Иттифоқида меҳнатга лаёқатли ёшдаги одамлар сони 18 фоизга қисқаради, 65 ва ундан катта ёшдаги аҳоли улуши эса 30,3 фоизга етади. Шунингдек, Европа Иттифоқининг жами аҳолиси глобал аҳолининг кўпи билан 4 фоизини ташкил қилади, 1960 йилда эса бу кўрсаткич 12 фоиз эди.
Аввалроқ Евростат 2100 йилга келиб ҳар бир 65 ёшдан ошган одамга салкам иккитадан меҳнатга лаёқатли ёшдаги одам тўғри келишини тахмин қилган эди.
Шунингдек, Хитойда ўн тўртинчи беш йиллик ижтимоий-иқтисодий ривожланиш режасини (2021—2025) амалга ошириш жараёнида пенсия ёши аста-секин узайтириб борилиши ҳақида хабар берилган эди.
Изоҳ (0)