Қашқадарё вилоятининг Шаҳрисабз туманидаги Қурилиш ва уй-жой коммунал хўжалик касб-ҳунар коллежи ўқитувчилари 6 ойдан буён маошсиз ишлаётгани ҳақида хабар берилган эди. Қурилиш вазирлиги ушбу хабарга муносабат билдирди.
Маълум бўлишича, айрим сабабга кўра, сўнгги уч ой (олти ой эмас) учун педагог-ходимларга ойлик маошлари берилмаган.
Мазкур масала тўғрисида вазирликнинг 2021 йил 14 мартдаги мурожаатига асосан, Қашқадарё вилояти тегишли мутасаддилари Наврўз байрамига қадар барча қарздорликларни узишни режалаштирганини маълум қилган.
Ушбу ҳолат Қурилиш вазирлиги томонидан тўлиқ назоратга олинган ва 18 март куни барча ходимларга ойлик маошлари тўлаб берилиши таъминланади.
Мавзуга доир:
- Тошкентда 14 нафар фуқарони Украинада алдаб ишлатиб, 17,5 минг доллар иш ҳақини бермай келган шахслар қўлга олинди
- «Бир ойлик иш ҳақим 20 минг сўм чиқибди, баъзиларга 450 сўм тўланган». UzAuto Motors ходимлари иш ташлаш эълон қилди
- «Деҳқонобод калий заводи» қурилишида қатнашган ишчилар маошини ололмаётгани хабар қилинди. Ҳолат бўйича «Ўзкимёсаноат» муносабат билдирди
Изоҳ (0)