Дазмол қилишни ёқтирмайдиганлар учун 7 тавсия

Дазмол қилиш, айниқса, иш ёки ўқишга шошиб турган киши учун энг ёқимсиз ва вақтни оладиган юмуш бўлиб туюлади. Аммо кўча-кўйда ғижим кийим билан ҳам юриб бўлмайди. Қуйидаги тавсияларга амал қилиш орқали эса ҳар икки масалага умумий ечим топса бўлади.

Ювилган кийимларни кир ювиш машинаси ичида қолдирманг

Кийимлар кир ювиш машинасидан дарҳол олинмаса, улар яхшигина ғижим бўлади ва дазмол қилиш қийин кечади. Кирларни ўша заҳоти илишга вақтингиз бўлмаса, кир машинасидаги махсус функциядан фойдаланинг. Қолаверса, машина ичига бир вақтнинг ўзида кўп кир солманг. Йўқса кийимингиз ғижим бўлиши ҳамда матога ҳам зарар етиши мумкин.

Ювилган кирларни яхшилаб силкитинг

Ювилган кирларни аввалига яхшилаб қоқиб, кейин қўлларингиз билан текислаб чиқинг. Шунда кийим осон тахланади ва деярли ғижим бўлмайди.

Мато турини ҳисобга олинг

Юмшоқ мато: ипак, нейлон сингари либосларни кийим илгичга илиш керак. Свитер ва тўқилган кийимларни эса тахлаб, шкафга қўйса ҳам бўлади.

Пайпоқни думалоқ қилиб тахламанг

Бу усул пайпоқ матосининг эластиклигига путур етказади ва резинкаси чўзилишига олиб келади. Уларнинг ҳар бирини алоҳида ўртасидан букиб тахлаш керак.

Либос фасонини инобатга олинг

Ҳар бир кийимнинг матосидан келиб чиқиб тахлаш керак. Масалан, жун матоли свитер ёки кофтани узунасига буклайдиган бўлсангиз, ўртасига из тушиб қолади. Классик шимлар билан ҳам худди шундай. Яхшиси, уларни махсус қисқичи бор кийим илгичга илинг.

Кундалик кийиладиган либосларни шкафнинг юқори қаватида сақламанг

Шкафнинг юқори қаватидаги киядиган кийимингизни олмоқчи бўлсангиз, қолган кийимлар ағдарилиб, ғижим бўлиши мумкин. Яхшиси юқорида мавсумий бўлмаган либосларни қутига солган ёки чойшабга ўраган ҳолда сақланг. Кундалик керак бўладигани эса пастроқда бўлсин.