Эронда Ислом инқилоби соқчилари корпусининг (ИИСК) янги ҳарбий денгиз ракета базасининг очилиш маросими бўлди, янги қурол-аслаҳалар намойиш этилди. Бу ҳақда «РИА Новости» хабар берди.
«Кўплаб қанотли ракеталар, баллистик ракеталар ва турли масофадаги ракета тизимлари кўрсатилди. Маросимда махсус ривожланган имкониятларга эга ракета тизимлари ва ускуналари намойиш этилди... Шунингдек, денгиз ҳарбий кучлари ‘электрон урушлар’нинг олдини олиш воситаларига ўтказилди, бу эса биргаликда денгиз флотининг потенциалини оширади», — деб хабар берди IRINN телеканали.
Таъкидланишича, барча жиҳозлар эронлик олимлар томонидан ишлаб чиқилган.
Тадбирда ИИСК қўмондони Ҳуссайн Салами, ИИСК денгиз қўмондони Алиреза Тангсири ва ва Эрон қуролли кучларининг бошқа юқори мартабали амалдорлари қатнашди.
Маълумот учун, 2021 йилнинг бошида Эрон Фордодаги ядро объектида уранни 20 фоизгача бойитиш жараёнини бошлади. Мамлакат ҳукумати бундай урандан йилига камида 120 килограмм ишлаб чиқаришни режалаштирмоқда. Теҳронда қайд этишларича, Халқаро ядро энергетикаси агентлигини аллақачон ўз режалари ҳақида хабардор қилишган.
Аввалроқ АҚШ президенти Жо Байден Эронга қарши санкциялар муддатини бир йилга узайтиришга қарор қилди. Байден, шунингдек, АҚШда Билл Клинтон президентлиги даврида Теҳронга қарши эълон қилинган «фавқулодда ҳолат»ни 2021 йил 15 мартгача узайтиради, чунки Вашингтоннинг фикрига кўра, Эроннинг ҳаракатлари «АҚШнинг миллий хавфсизлиги, халқаро сиёсати ва иқтисодиётига таҳдид солишда давом этмоқда».
Изоҳ (0)