Ўзбекистон ҳудуди 15 март куни антициклон таъсири остида бўлади. Кун давомида ҳаво 3-8 даража илиққача исийди, бу март ойининг ўртаси учун меъёрий қийматлардан анча совуқдир, деб ёзмоқда «Ўзгидромет».
Қайд этилишича, антициклон периферияси мамлакат ҳудудидан 16—17 март кунлари секин ортга чекинади. Кечалари бироз совуқ сақланиб туради, кундуз кунлари эса аста-секин исийди ва чоршанба куни кундузги ҳарорат 9-14 даража илиққача кўтарилади.
Ҳудудларнинг кўп қисмида ушбу кунларда ёғингарчилик кутилмайди. Фақат Андижон, Наманган, Фарғона вилоятларида салқин ва нам ҳаво массалари кириб келиши ҳисобига баъзи жойларда ёмғир ёғиши мумкин.
Ҳафтанинг иккинчи ярми бошидан Эрон ҳудудларидан қуруқ ва жуда илиқ ҳаво кириб келиши бошланади. Ҳаво ҳарорати, айниқса, кундуз кунлари кескин кўтарилади. Иш ҳафтасининг охирига келиб, ҳарорат кундуз кунлари 20-25 даража илиқ, жанубда 27 даража илиққача бўлган қийматларга етади ва меъёрдан 6-8 даражага кўп бўлади.
15—19 март кунлари Ўзбекистоннинг тоғли ҳудудларида қор кўчиши хавфи сақланиб туради.
Мавзуга доир: Ўзбекистонда 16 март куни об-ҳаво ёғингарчиликсиз ўтади
Изоҳ (0)