Моданинг тез янгиланиши ортиқча пул сарфланиши ҳамда янги харидларни амалга оширишга сабаб бўлади. Аммо баъзида муайян кийим-кечакларнинг урфдан қолиши сизни трендда бўламан деб, дидсиз кўринишга эга бўлишдан қутқаради.
Тор, ёпишиб турадиган шим
Қоматга урғу бериб, камчиликлар кўзга ташланишига сабаб бўладиган шимлар аллақачон модадан қолди. Мазкур мавсумда кенг моделлар урфда бўлиб, унинг пастки қисмини пойабзал ичига тиқиш тавсия қилинади.
Ингичка кўзойнаклар
Замонавий кўринган бундай кўзойнак кўзларни қуёш нуридан ҳимоя қила олмайди. Баҳор—ёз фаслларида ушбу аксессуарнинг катта моделлари долзарб бўлади.
«Велосипедка»
Энди сўнгги 10 йилнинг энг ғалати трендини нима билан мослаш ҳақида ўйлашга ҳожат йўқ. Бундайшортиклар ўрнига қулай ҳамда универсал «бермуд»лар кийинг. Уларни таътил ва ишга ҳам исталган кофта ёки футболка билан мосласа бўлади.
Спорт услубидаги, белга илинадиган сумкалар
Мазкур сумкалар энди аввалгидек долзарб эмас. Харид қилиш исталган тақдирда кичкина, классик моделларга эътибор қаратиш тавсия қилинади.
Катта ҳажмли кроссовкалар
Сўнгги икки йилда ҳар қачонгидан ҳам етакчи бўлган ugly sneakers’лар аста-секин эстафетани ихчамроқ, кўйлак ва юбкалар билан кийиш мумкин бўлган моделларга узатмоқда.
Изоҳ (0)