Ўзбекистонда долларнинг расмий курси яна 10 500 сўмдан ошди

Марказий банк 11 мартдан хорижий валюталарнинг ўзбек сўмига нисбатан янги қийматини белгилади.

Унга кўра, долларнинг расмий курси 6,45 сўмга кўтарилиб, 10 503,92 сўмни ташкил қилди. Евро 1,37 сўмга кўтарилиб, 12 499,66 сўм бўлди.

Бундан бир кун аввал долларнинг расмий курси 6,82 сўмга кўтарилиб, 10 497,47 сўмни ташкил қилгани ҳақида хабар берилган эди.

Эслатиб ўтамиз, 3 март куни Ўзбекистонда долларнинг расмий курси илк бор 10 500 сўмдан пастлаганди. 5 март куни у яна кўтарилишни бошлади. Мамлакатда долларнинг расмий курси илк бор 2020 йилнинг 18 январида 10 500 сўмдан ошган.

Марказий банк ички валюта бозорида валюта олди-сотди операцияларини такомиллаштириш тўғрисидаги қарорга кўра, Ўзбекистонда 15 февралдан бошлаб валюта курси ҳафтада бир марта эмас, ҳар иш куни эълон қилиниши белгиланган.