Албатта, ҳар қандай мавсумда ҳам сочлар тўкилиши ва ўз жилосини йўқотиши мумкин. Айнан баҳорда эса уларга янада эҳтиёткорлик билан ғамхўрлик қилиш керак. Бундан ташқари, сочлар нима сабабдан тўкилаётганини билиш ҳам жуда муҳим.
Ўта қаттиқ парҳезда бўлиш
Агар парҳез туфайли рациондаги жуда кўп маҳсулотлар чекланса ҳамда ҳар бир калория ҳисоб-китоб қилинса, ўз-ўзидан танада витамин ва минераллар етишмовчилиги юзага келади. Мувозанатни бузмаган ҳолда овқат истеъмол қилиш − қалин ва ёрқин сочларни орзу қилганлар учун муҳим қоидадир. Бунинг учун рационда гўшт, парранда гўшти, балиқ, тухум, денгиз маҳсулотлари, сабзавотлар ва мевалар бўлиши керак.
Сочларни тез-тез бўяш
Махсус иситиладиган хоналарда ҳароратнинг пасайиши ва қуруқ ҳаво сочдаги намликни тезда йўқотади. Шунингдек, сочларни силлиқлаш, жингалак қилиш ёки шунга ўхшаш зарарли процедуралар тез-тез амалга оширилса, демак, вазият анча қийин. Шунинг учун сочларни қуритадиган ва шикастланишига олиб келадиган ҳолатлардан қутулиш керак. Турли хил кимёвий аралашмалардан ташкил топган бўёқлар ўрнига табиий ёғ ва ниқоблардан фойдаланиш тавсия этилади.
Зарарли одатлар
Чекиш, спиртли ичимликлар, етарлича ухламаслик, чарчоқ ва стресс − буларнинг барчаси ёрқин ва қалин сочларнинг душманидир. Сочлари мустаҳкам бўлишини истовчилар эса тезроқ соғлом турмуш тарзига ўтиши керак.
Етарлича парвариш қилмаслик
Сочларнинг ҳолати яхши бўлса, у ҳолда сифатли шампунь ҳамда кондиционер етарли. Аммо мавсум алмашиш чоғида улар кўпроқ ҳимояга муҳтож бўлади. Бунда кенг қамровли парвариш, яъни соч ва бош терисига ҳар томонлама ғамхўрлик кўрсатадиган юқори сифатли косметик воситалардан фойдаланиш керак.
Изоҳ (0)