Эквадор ички ишлар вазири Патрисио Пасминё истеъфога чиқди. Сиёсатчи давлат раҳбарига йўллаган мурожаатини Twitter’даги саҳифасига жойлаштирди, деб ёзади «ТАСС».
«Ички ишлар вазирлиги раҳбарлигидан истеъфога чиқаришни сўраб, қайтариб бўлмас хат юбориш — бу менинг шахсий қарорим», — дейилади ҳужжатда. Пасминё бунга сабаблар қаторида, унинг фикрига кўра, ўзининг вазир сифатидаги фаолиятига нисбатан ноҳақ танқидлар ва соғлиғидаги муаммоларни келтирди. Унда коронавирус аниқланган.
Маълумот учун, февраль ойи охирида Эквадордаги учта қамоқхонада оммавий тартибсизликлар юз берди. Дастлабки маълумотларга кўра, бунга наркотик сотувчиларнинг жанговар уюшмалари ўртасидаги келишмовчилик сабаб бўлган. Тартибсизликлар пайтида 79 маҳбус ўлдирилган ва бир нечта ҳуқуқ-тартибот ходимлари жароҳатланган.
Эслатиб ўтамиз, 2020 йилнинг ноябрь ойида Эквадор ички ишлар собиқ вазири Мария Паула Ромо ҳукуматга қарши намойишларда полиция зўравонлигига йўл қўйгани учун истеъфога чиқарилган.
Изоҳ (0)