Футбол бўйича Испания Кубогининг иккинчи ярим финали жавоб учрашувида «Атлетик Б» 4 март, пайшанба куни «Леванте» майдонига сафар қилди.
Ўйиннинг 17-дақиқасида Рохер Марти «Леванте»ни ҳисобда олдинга олиб чиқди. 30-дақиқага келиб мезбонлар дарвозаси томон пенальти белгиланди. Ундан аниқ фойдаланган Рауль Гарсиа ҳисобни тенглаштирди. Қолган вақтда ҳисоб ўзгармади ва жамоалар қўшимча бўлимларга йўл олди.
112-дақиқада Алекс Беренгер томонидан урилган гол «Атлетик Б»га ғалаба келтирди.
Шу тариқа билбаоликлар мусобақанинг финалига йўл олди. Жамоани финалда «Барселона» кутиб турибди. Каталония клуби 3 март куни бўлиб ўтган учрашувда «Севилья» устидан 3:0 ҳисобида ғалаба қозониб, камбэк қилган эди.
Испания Кубоги
Ярим финал, жавоб учрашуви
4 март, пайшанба
«Леванте»—«Атлетик Б» 1:2
Голлар: 1:0 – 17 Рохер Марти, 1:1 – 30, пенальти Рауль Гарсия, 1:2 – 112 Беренгер.
«Леванте»: Фернандес, Мирамон (Коке, 108), Везу, Робер (Барди, 46), Клерк, Малса (Сон, 85), Рочина (Вукчевич, 85), Де Фрутос, Дуарте, Рохер Марти (Дани Гомес, 90), Моралес (Леон, 90).
«Атлетик Б»: Унаи Симон, Йерай Альварес, Нуньес, Берчиче (Баленсиага, 108), Де Маркос (Капа, 105), Рауль Гарсия (Вильялибре, 96), Весга (Дани Гарсия, 97), Муниаин (Морсилё, 111), Унаи Лопес (Венседор, 105), Беренгер, Уильямс.
Огоҳлантиришлар: Дуарте (28), Нуньес (42), Рохер Марти (55), Рочина (76), Де Маркос (105).
Биринчи ўйин — 1:1
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)