Туркия президенти Ражаб Тоййиб Эрдўғон Эрондан бир томонлама санкцияларни олиб ташлашга ва ядровий битимни қайта кўриб чиқишга чақирди. Бу ҳақда у ислом мамлакатлари раҳбарларининг 14-саммитида айтиб ўтди, деб хабар берди «Известия».
«Эронга қарши бир томонлама санкцияларнинг тугаши минтақадаги иқтисодий фаровонлик ва барқарорликни ўрнатишга ёрдам беради», — деди Эрдўғон.
Февраль бошида Эрон раҳбари ва диний раҳнамоси Али Хоманаий Теҳрон Вашингтонга ён босмаслигини ва Қўшма ҳаракат режасига биринчи бўлиб қайтмаслигини айтган эди. Шу куни АҚШ президенти Жо Байден Эрондан ядро шартномаси бўйича ўз мажбуриятларини бажармаса, санкцияларни бекор қилиш нияти йўқлигини айтган эди.
25 январь куни Россиянинг БМТдаги доимий вакили Василий Небензя АҚШнинг янги президенти маъмурияти ва Эрон шу пайтгача Вашингтоннинг ядровий келишувга қайтиши учун ўзаро шартларни илгари сураётганини айтди.
Эрон ва бир гуруҳ давлатлар — АҚШ, Россия, Хитой, Буюк Британия, Франция ва Германия ўртасида келишув 2015 йилда Теҳрон ядровий ривожланишидаги инқирозни бартараф этиш мақсадида имзоланган эди. Ядро дастурини ишлаб чиқишдан воз кечиши эвазига Эрондан санкциялар бекор қилинганди.
2018 йил Вашингтон Қўшма ҳаракат режасидан чиқиб кетди, шундан сўнг ҳукумат санкцияларни янгилаш орқали Эронга максимал босим ўтказишни бошлади.
Бунга жавобан Эрон 2019 йилда ядровий тадқиқотларни чеклашдан воз кечиб, битим бўйича мажбуриятларини босқичма-босқич қисқартирилишини эълон қилди. 2020 йил ноябрь ойида АҚШ тўрт кишини ва олтита ташкилотни Теҳрон санкциялар рўйхатига қўшиб, санкциялар рўйхатини бир неча марта кенгайтирди.
Аввалроқ Эрон ядро битими бўйича АҚШ билан тўғридан-тўғри музокаралар ўтказишдан бош тортгани ҳақида хабар берилган эди.
Мавзуга доир:
Изоҳ (0)