Футбол бўйича Англия Премьер Лигаси 29-турининг муддати олдинга сурилган яна учта беллашуви 3 март, чоршанба куни ўтказилди.
Мусобақа жадвалида иккинчи ўринда бораётган «Манчестер Юнайтед» сафарда «Кристал Пэлас» меҳмони бўлиб, 0:0 ҳисобида дуранг қайд этди.
«Қизил иблислар»ни мусобақа жадвалида таъқиб қилиб келаётган Брендан Рожерс қўл остидаги «Лестер» ушбу турда «Бёрнли» меҳмони бўлди. Учрашувда мезбонлар 4-дақиқадаёқ Матей Видранинг голи эвазига ҳисобни очди. 34-дақиқада эса Келечи Иҳеаначо мувозанатани тиклади. Мазкур ҳисоб ўйин сўнгига қадар ўзгармайд қолди. Шу тариқа томонлар 1:1 ҳисобидаги дурангга имзо чекди.
Турнинг яна бир ўйини «Шеффилд Юнайтед» ҳамда «Астон Вилла» жамоалари ўртасида кечди. Дэвид Макголдрикнинг 30-дақиқада урган голи «Шеффилд»га ўз майдонидаги муҳим ғалабани тақдим қилди.
Мусобақа жадвали айни дамда шундай кўриниш олган:
АПЛ
29-тур баҳслари
3 март, чоршанба
«Кристал Пэлас» – «Манчестер Юнайтед» 0:0
«Кристал Пэлас» – Гуаита, Кейҳилл, ван Анхолт, Уорд, Таунсенд, Куяте, Эзе (Шлупп, 84), Маккарти (Ридевалд, 62), Миливоевич, Бентеке, Айю.
«Манчестер Юнайтед» – Ҳендерсон, Шоу, Байи, Уан-Биссака, Магуайр, Фред (Мактомини, 74), Бруну Фернандеш, Матич, Кавани (Жеймс, 76), Рэшфорд, Гринвуд.
Огоҳлантириш: Ридевалд (90).
«Шеффилд Юнайтед» – «Астон Вилла» 1:0
Гол: 1:0 – 30 Макголдрик.
Огоҳлантириш: Макголдрик (45).
Четлатиш: Жагелка (57).
«Бёрнли» – «Лестер» 1:1
Голлар: 1:0 – 4 Видра, 1:1 – 34 Иҳеаначо.
Огоҳлантиришлар: Фофана (79), Рикарду Перейра (90).
Изоҳ (0)