Туркия ҳукумати мамлакатга келаётган сайёҳлардан коронавирус учун манфий натижали тест маълумотномасини талаб қилиш муддатини яна узайтирди, деб хабар берди «РИА Новости».
Қайд этилишича, ҳаво кемаси мамлакатга учувчи авиакомпаниялар фақатгина ушбу ҳужжатга эга бўлган сайёҳларни самолёт бортига чиқиш учун рухсат беради. Чеклов 26 майгача амал қилади.
Тест парвоздан аввалги 72 соат ичида ўтказилган бўлиши керак. Олти ёшгача бўлган болалар учун бундай маълумотнома шарт эмас.
Шунингдек, тест натижаси учинчи мамлакатга саёҳат қилувчи транзит йўловчилардан ҳам талаб қилинмайди.
Бундан аввал Туркия ва Швейцарияда март ойидан бошлаб COVID-19 чекловлари юмшатилиши, Швецияда коронавирус сабаб жорий қилинган чекловлар 7 мартга қадар узайтирилгани ҳамда Грузияда карантин чекловлари олиб ташланиши ҳамда мамлакат 1 мартдан сайёҳларни қабул қилишни бошлагани ҳақида хабар берилганди.
Изоҳ (0)