Опера театрида Голливуд актрисаси Николь Кидманнинг юзига уришди. Воқеа юзасидан тергов бошланди

Мусиқачи Кит Урбан Сиднейнинг опера театрида рафиқаси Николь Кидман билан боғлиқ воқеа ҳақида сўзлаб берди. Бу ҳақда People Talk хабар берди.

Урбан The Kyle Jackie O Show’га берган интервьюсида 2021 йилнинг январь ойида Сидней опера театридаги спектаклни томоша қилиш жараёнида ҳамма қатори улар ҳам қарсак чалгани ва ҳаммаси шундан кейин бошланганини маълум қилган.

«Ортга қараб бир нечта одам ўрнидан турганини кўргач мен ҳам туришим керак, деб ўйладим. Кейин менинг ортимдаги эркак спектакль дастури туширилган қоғоз билан Никни урди», — деб эслайди Кит.

Қайд қилинишича, эркакка Кидманнинг ўрнидан тургани ёқмаган. «Мен ўзимни босишга уриндим ва қаттиқ хафа бўлдим», — деган Урбан ва ушбу хатти-ҳаракатга жавобан бу шунчаки туриб чалинган қарсаклиги ва бу рухсат берилмагани ҳақида билмаганини айтган.

Можаро иштирокчилари полицияга мурожаат қилган, айни вақтда ушбу ҳолат қонун ҳимоячилари томонидан кўриб чиқилмоқда. Суҳбат давомида Кит турмуш ўртоғи Николь билан бирга ҳамиша ахлоқ тамойилларига амал қилишини айтиб ўтган.