Хоразм вилоятининг Туркманистон билан чегарадош Тупроққалъа тумани Саримой қишлоғида давлат хизматлари кўрсатилиб, сайёр қабул ўтказилди, деб ёзмоқда «Халқ сўзи online».
Унда аҳолидан келиб тушган мурожаатлар, фикр-мулоҳазалар ўрганилиб, масалаларга ечим топиш учун амалий кўмак кўрсатилган. Хусусан, фуқаролар ушбу ҳудудда қурилаётган маҳалла фуқаролар йиғини биносида ДХМ филиалини ташкил қилиш юзасидан таклиф берган.
Шулардан келиб чиқиб, одамларнинг оғирини енгил, узоғини яқин қилиш мақсадида, маҳалла биносининг қурилиш ишлари якунига етказилишини кутиб турмасдан, мазкур ҳудудда жойлашган ўтовда вақтинчалик филиал ташкил қилинди.
Хабарда таъкидланишича, тарих ва замонавийликни ўзида уйғунлаштирган ўтовга симсиз интернет тармоғи мавжуд бўлиб, бугунги кунда бу ерда давлат хизматларини кўрсатиш учун ҳеч қандай тўсиқ йўқ.
Изоҳ (0)