Пандемия одатдаги воқеаларни бутунлай ўзгартириб ташлагани ҳеч кимга сир эмас. Кинематография ва телевидение соҳасидаги «Олтин глобус» 78-тақдирлаш маросими аралаш pyhgital-шаклда ўтказилди. Маросим бир вақтнинг ўзида Нью-Йоркдаги Рокфеллер марказидаги зиёфат залида ва Беверли-Ҳиллздаги «Беверли-Hilton» меҳмонхонасида олиб борилди. Тақдирлаш маросимида бошловчилар Тина Фей ва Эми Полер «Golden Globe Award – 2021» мукофоти ғолибларини эълон қилди.
Маросимда «Энг яхши фильм (драма)» номинацияси бўйича ғолиб деб «Кўчманчилар мамлакати» фильми топилган. «Энг яхши фильм (комедия ёки мусиқали)» номинацияси бўйича соврин «Борат 2» картинасига насиб этган.
«Энг яхши драматик фильм актёри» номинацияси ғолиби деб «Ma Rainey’s Black Bottom» (Ма Рейни: Блюз онаси) фильмида иштирок этган марҳум актёр Чедвик Боузман деб топилди. «Энг яхши комедия ёки мусиқали фильм актёри» бўйича Саша Барон Коэн – «Борат 2» фильмидаги иштироки учун лойиқ кўрилди.
«Америка Қўшма Штатлари Билли Холидейга қарши» фильми актрисаси Андра Дей «Энг яхши драматик фильм актрисаси» мукофотига сазовор бўлди. «Фирибгар» фильми қаҳрамони Розамунд Пайк эса «Энг яхши комедия ёки мусиқали фильм актрисаси» номинанцияси бўйича ғолибликни қўлга киритди.
«Энг яхши иккинчи даражали актёр» сифатида «Иуда ва қора Масиҳ» фильми актёри Дэниэл Калуя мукофотга лойиқ деб топилди. «Энг яхши иккинчи даражали актриса» номинациясида эса «Мавританиялик» картинаси қаҳрамони Жоди Фостер ғолибликни қўлга киритди.
Маросимда «Энг яхши режиссёр» деб «Кўчманчилар мамлакати» фильми режиссёри Хлоя Чжао эълон қилинди. «Энг яхши сценарий» эса «Чикагодаги етти суд» фильмига насиб этди.
«Чет тилидаги энг яхши фильм» – «Минари», «Энг яхши анимацион фильм» – «Қалб» мультфильмига насиб этди. Шунингдек, «Энг яхши мусиқа – «Қалб», «Энг яхши қўшиқ» – «Io si» («Ҳали ҳаёт олдинда») деб топилди.
«Энг яхши драматик сериал» – «Тож»;
«Дараматик сериалнинг энг яхши актёри» – «Тож» фильмидаги Жош O’Коннор;
«Дараматик сериалнинг энг яхши актрисаси» – «Тож» сериали қаҳрамони Эмма Коррин;
«Энг яхши комедия сериали »– «Шиттс Крик»;
«Энг яхши комедия сериали актёри»– Жейсон Судейкис, «Тед Лассо»;
«Энг яхши комедия сериали актрисаси» – Кэтрин O’хара, «Шиттс Крик»;
«Энг яхши телефильм ёки мини-сериал» – «Қироличанинг юриши»;
«Энг яхши телефильм ёки мини-сериал актёри» – Марк Руфалло, «Мен буни тўғри деб биламан»;
«Энг яхши телефильм ёки мини-сериал актрисаси» – Аня Тэйлор-Жой, «Қироличанинг юриши»;
«Мини-сериал ёки телефильмнинг энг яхши иккинчи даражали актёри» – Жон Боега, «Ўзгаришлар овози»;
«Мини-сериал ёки телефильмнинг энг яхши иккинчи даражали актрисаси» – Жиллиан Андерсон, «Тож».
Изоҳ (0)