Буюк Британия пойтахти Лондон Нью-Йоркни ортда қолдириб, дунёдаги энг кўп доллар миллионерлари бор шаҳарга айланди. Шу билан бирга, Лондон камбағалликда яшайдиган оилалар сони бўйича мамлакатда етакчи ҳисобланади. Бу ҳақда The Guardian хабар берди.
Маълум қилинишича, 874 354 нафар лондонлик доллар миллионерлари ҳисобланади. Бу Британия пойтахтидаги ҳар ўнинчи одамнинг 1 миллион доллар ва ундан кўп пули бор деганидир.
Рейтингнинг иккинчи поғонасида Нью-Йорк жойлашган бўлиб, у эрда 820 минг киши бир миллион доллардан ортиқ бойликка эга.
Буюк Британиянинг Меҳнат ва пенсия вазирлигининг маълумотларига кўра, Лондон кам таъминланган оилалар сони бўйича мамлакатнинг қолган ҳудудларини ортда қолдиради. Пойтахт аҳолисининг 28 фоизи камбағал деб таснифланади. Мамлакатда камбағаллар аҳолининг ўртача 22 фоизини ташкил қилади.
Бундан аввал Россияда ўта бой одамлар бир йилда минг кишига камайгани, тадқиқотларга кўра дунёдаги энг бой одамлар 3 йил ичида пандемия оқибатларини бартараф этишлари мумкинлиги ҳамда Илон Маск 15 миллиард доллар бойлигини йўқотиб, дунёнинг энг бой одами мақомидан айрилгани ҳақида хабар берилганди.
Изоҳ (0)