Россиянинг «Спутник V» вакцинасининг дастлабки партияси 23 февраль куни Сан-Марино республикасига етказиб берилди. Бу ҳақда мамлакат элчихонаси берган маълумотга таяниб «РИА Новости» хабар қилди.
«‘Спутник V’ вакцинасининг дастлабки партияси Сан-Маринога 23 февралда етказиб берилди. Сан-Марино республикаси ҳамда Россия тўғридан-тўғри инвестициялар жамғармаси ўртасидаги келишув икки томонлама ҳамкорликни янада мустаҳкамлади. Сан-Марино Россия препаратининг коронавирус инфекцияси профилактикасидаги самарадорлигини тан олган 30-мамлакат», – дейилган дипломатик миссиянинг баёнотида.
Шунингдек, Гаяна Соғлиқни сақлаш вазирлиги ҳам «Спутник V» вакцинасини мамлакатда рўйхатдан ўтказган. Гаяна мазкур препарат билан аҳолисини эмлайдиган 33-давлат бўлди.
20 февраль куни Россиянинг «Спутник V» вакцинаси Ганада рўйхатдан ўтказилган. Рўйхатдан ўтиш фавқулодда вазиятларда фойдаланиш учун авторизация (EUA) остида амалга оширилган. Гана ушбу вакцинани рўйхатдан ўтказган дунёдаги 31-давлат ва Африка қитъасидаги Россия Гамалея институти вакцинасини тасдиқлаган бешинчи мамлакатга айланган.
Илгари ушбу вакцина Беларусь, Аргентина, Боливия, Жазоир, Сербия, Парагвай, Сурия, Фаластин, Қирғизистон, Венесуэла, БАА, Туркманистон, Венгрия, Эрон, Гвинея, Тунис, Арманистон, Ливан, Мексика, Никарагуа, Мьянма, Қозоғистон, Покистон, Мўғулистон, Баҳрайн, Черногория, Ўзбекистон ва Габонда рўйхатдан ўтказилган.
Изоҳ (0)