Тошкент вилояти ҳокимининг шаҳарлар инфратузилмасини ривожлантириш, ободонлаштириш ва коммунал хўжалик масалалари бўйича ўринбосари лавозимига Барҳаёт Мелиев тайинланди. Бу ҳақда вилоят ҳокимлиги матбуот хизмати хабар берди.
Барҳаёт Мелиев 1987 йилда Фарғона вилоятнинг Қўқон шаҳрида туғилган. 2010 йилда Тошкент молия институтини тамомлаган.
Тайинловга қадар Тошкент шаҳар ҳокимлиги Уй-жой коммунал хизмат кўрсатиш бош бошқармаси бошлиғи биринчи ўринбосари лавозимида ишлаган.
Эслатиб ўтамиз, Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида фаолият юритган Даврон Ҳидоятов 2020 йилнинг 30 январида Тошкент вилояти ҳокими вазифасини бажарувчи этиб тайинланганди. Унинг қишлоқ ва сув хўжалиги масалалари бўйича биринчи ўринбосари лавозимига Улуғбек Узоқов тайинланди.
Ёшлар ишлари агентлиги Тошкент вилояти бошқармаси бошлиғи лавозимида ишлаб келаётган Зуҳра Мирғозиева 2021 йилнинг 2 февралида Тошкент вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинланди.
Изоҳ (0)