Ватикан ҳукуматининг фармонига кўра, тиббий сабабларсиз COVID-19’га қарши вакцинадан бош тортганлар ишдан бўшатилиши мумкин. Бу ҳақда «Интерфакс» хабар берди.
Ватикан губернатори Жузеппе Бертелло 8 февраль куни фармонни имзолаганидан сўнг ҳужжат атрофида қизғин мунозара бошланди. Италия ва дунёнинг аксарият қисмида вакцина қабул қилиш ихтиёрий.
Фармонга биноан эмлашдан бош тортиш бошқаларга хавф туғдириши мумкинлигини ҳисобга олган ҳолда вакцина қабул қилиш маънавий жавобгарлик ҳисобланади.
ОАВда ушбу мавзу бўйича эълон қилинган хабарлардан норози бўлган Италия аҳолиси ижтимоий тармоқларда Ватиканни танқид қила бошлади.
Натижада 18 февраль куни Ватикан ҳукумати эмлашдан бош тортишнинг оқибатлари ҳақида огоҳлантириш ҳеч қандай жазони англатмаслигини айтиб, вазиятга аниқлик киритди. Ватикан губернатори эмлаш дастурида иштирок этиш ихтиёрий эканлиги, шунга қарамай, кимнингдир эмлашдан бош тортиши унинг ўзига ва бошқаларга хавф солиши мумкинлиги тўғрисида баёнот берди.
Бертелло ваколатхонаси эмланишни истамаганлар учун ҳукумат иш билан таъминлашнинг муқобил вариантларини излашга тайёр эканини маълум қилди. Ватикан ҳукумати эмлаш масаласида ходимларга босим ўтказмоқчи эмаслиги таъкидланди.
Бироқ Европа ОАВ маълумотига кўра, Ватикан ҳақиқатан ҳам эмлашдан бош тортгани учун ходимларни ишдан бўшатиш ҳуқуқига эга: бу чора 2011 йилги қонунда мустаҳкамланган.
ОАВ Рим папаси Францискнинг COVID-19’га қарши эмлаш ғоясини фаол равишда қўллаб-қувватлаётганини таъкидламоқда. У март ойида Ироққа ташрифи давомида унга ҳамроҳлик қиладиган барча журналистларнинг коронавирусга қарши эмланиши кераклиги ҳақида огоҳлантирди.
Ватиканда беш мингга яқин киши ишлайди. Мамлакатда коронавирусга қарши Pfizer вакцинаси билан эмлаш январь ойи бошида бошланган. Рим папаси Франциск аллақачон барқарор иммунитетни ривожлантириш учун зарур бўлган вакцинанинг иккала компонентини қабул қилган.
Мавзуга доир: Рим папасининг шахсий шифокори коронавирусдан вафот этди
Қайд этилишича, ушбу ҳолда пойтахт аҳолисига жазонинг иккита усули — ижтимоий ёрдамни узиб қўйиш ёки 357 доллар атрофида жарима белгиланади. Жакарта маъмурияти мамлакатда вирус юқтирганларнинг тўртдан бири қисми пойтахтга тўғри келаётгани сабабли мазкур чоралар зарурлигини таъкидлаган.
COVID-19’га қарши эмлаш кампанияси Индонезияда январь ойида бошланган. Ҳокимият 15 ой ичида 270 миллион аҳолининг 181,5 миллион нафарини эмлашни режалаштирмоқда.
Аввалроқ Германиядаги кекса инсонлар ва ногиронлиги бўлган шахсларни парвариш қилиш билан шуғулланувчи компаниялардан бири коронавирусга қарши эмланишни истамаган етти нафар ходимини ишдан бўшатган эди. Bild нашрининг ёзишича, Германияда вакцинация ихтиёрий равишда ўтказилмоқда ва мазкур ходимларнинг инфекцияга қарши эмланишдан бош тортгани сабаб ишдан бўшатилиши биринчи ҳолат ҳисобланади.
Изоҳ (0)