Cyan Racing пойга жамоаси P1800 Cyan — 56 йиллик Volvo спорткарининг замонавийлаштирилган версиясига оид янги видео билан бўлишди. Роликни суратга олиш учун кўк рангли купе Швециянинг Оре тоғ-чанғи курорти яқинидаги музлаб қолган кўлга юборилган, деб хабар беради Motor.
Ретрокупе яратувчиларининг сўзларига кўра, Цельсий бўйича минус 20 даража совуқда қор ва муз устида амалга оширилган дрифт P1800 Cyan’нинг шасси ва «подвеска»си тўғри созланганини исботлашга ёрдам берган. Лойиҳа раҳбари Маттиас Эвенссоннинг қўшимча қилишича, бу автомобилларни замонавий ёрдамчиларсиз бошқарадиган ҳайдовчилар учун муҳим аҳамиятга эга.
«Биз бугунги кундаги аксарият машиналардаги каби электрон тизимларга ишониб қолмасдан, ҳайдовчига ўзининг имкониятларини тўлиқ ўрганишига хизмат қиладиган мустаҳкам базавий конструкцияга эга автомобилни яратишга уриндик», — дейди Эвенссон.
Volvo P1800 спорткарининг замонавийлаштирилган версияси 2020 йилнинг сентябрида тақдим этилганди. Cyan Racing жамоаси оригинал автомобиль шассисидан фойдаланган ва юқори мустаҳкамликка эга пўлат ёрдамида кучайтирган. Нолдан бошлаб яратилган карбон кузов сабаб автомобилнинг умумий массаси 990 килограммни ташкил этади.
Орқа узатмали спорткар мустақил орқа «подвеска», иккиталик ричаг ва бошқариладиган амортизаторларга эга. Машина 420 от кучини (455 Нм) тақдим этишга қодир 2,0 литрли 2017 йилги Volvo С60 ТC1 двигатели ёрдамида ҳаракатга келади. Motor беш поғонали Holinger механик узатмалар қутиси ёрдамида бошқарилади.
Швеция компанияси ҳозирда P1800 Cyan учун буюртмаларни қабул қилишни бошлаган. Ҳозирча тиражига аниқлик киритилмаган моделнинг нархи 500 минг долларни ташкил этади.
Изоҳ (0)