АҚШ ҳукумати ҳанузгача COVID-19 коронавирусининг Хитойдаги лабораторияда ишлаб чиқилгани ҳақидаги фаразни илгари суришда давом этмоқда, дея хабар берди NBC News.
Миллий разведка бошқармасининг раиси агентликнинг 2020 йил баҳорда берган баёнотидаги фикрларда собит эканини билдирган.
«АҚШ разведка идоралари бу борадаги ахборотларни диққат билан ўрганади ва коронавируснинг пайдо бўлиши унинг ҳайвондан одамга юқиши билан боғлиқлиги ёки Ухандаги лабораторияда сунъий равишда ишлаб чиқилганини аниқлайди», — дейилган баёнотда.
Вашингтон шу тариқа Жаҳон соғлиқни сақлаш ташкилоти (ЖССТ) экспертларининг вирус табиий шароитларда пайдо бўлгани ҳақидаги тахминларига қарши чиқди.
Телеканалда эфирга берилган лавҳада АҚШ разведка идораларининг вакиллари Пекиннинг коронавирус пайдо бўлиши билан боғлиқ ахборотларни яширгани ва инфекция тарқалиб кетишининг олдини олиш юзасидан ишларни амалга оширмагани ҳаиқда маълумотларга эгалиги айтилган.
Бироқ манбалар берган ахборотлар бўйича юқорида қайд этилган ҳужжатларда коронавируснинг Ухандаги лабораторияда ишлаб чиқилгани хусусидаги далиллар мавжуд эмас.
Қайд этилишича, АҚШ расмийлари ҳолатга алоқадор, яъни коронавируснинг Уханда лаборатор шароитда яратилгани юзасидан ҳеч қандай далилни ошкор этмаган. Ушбу масалани ўрганган олимларнинг аксарияти мазкур тахминнинг ҳақиқатдан анча узоқлигини айтиб ўтган.
Аввал ЖССТ раҳбарлигидаги халқаро гуруҳ аъзоси, доктор Питер Дасзак COVID-19 ривожланишининг эҳтимоли юқори бўлган сценарийси ҳақида гапирган. Унинг сўзларига кўра, кўршапалакларга инфекция ёввойи ҳайвонлар фермасидан юққан, ўз навбатида ҳайвонлардан ферма ишчилари ёки у ердаги итлар, бўрсиқлар ва бошқа жониворларга ўтган бўлиши мумкин. ЖССТ экспертлари COVID-19’нинг одамга юқиши бўйича 4 хил версияни илгари сурган.
Изоҳ (0)