Тошкент шаҳар ҳокимлиги 4 февраль куни Ўзбекистон мустақиллигининг 30 йиллигига бағишланган «Истиқлол» мажмуаси концепцияси лойиҳасини яратиш учун танлов эълон қилди.
Таклиф жамоатчиликнинг кенг эътирозларига сабаб бўлди. Янгиликлар остидаги изоҳларда фойдаланувчилар пойтахтдаги кам сонли яшил ҳудудлардан бирига тегинмасликни, бу ерга шаҳарнинг турли бурчаклардан одамлар дам олиш учун келишини таъкидлаган.
Кўплаб мунозараларга сабаб бўлган «Мовий гумбазлар» ресторани яқинидаги хиёбонда Тошкент шаҳар ҳокими Жаҳонгир Ортиқхўжаевнинг мажмуани барпо этиш масаласига оид учрашуви ҳам ташкил этилиб, унда мустақиллик рамзини акс эттирувчи стела барпо этилиши, бошқа ҳеч қандай қурилиш иншоотлари бўлмаслиги таъкидланди. Боғ ҳудудига қўшимча дарахтлар экилади ва у ер ҳимояга олинади.
«Дарё» фотомухбири мазкур боғда бўлиб, у ердан бир қанча суратлар тайёрлади.
Мавзуга доир:
- Саида Мирзиёева яшил боғ ҳудудларини асраш зарурлигини таъкидлади
- «Боғдаги бир дона дарахт кесилса, мен ўша куниёқ лавозимимдан кетаман». Жаҳонгир Ортиқхўжаев «Истиқлол» мажмуасини барпо этиш масаласи юзасидан аҳоли билан учрашди
- «Чилимхона қилиб қўйилган эди». Жаҳонгир Ортиқхўжаев «Мовий гумбазлар» ресторани олдидаги хиёбонни таъмирлашга ўз ёнидан 6 млрд сўм сарфлаганини маълум қилди
- Жаҳонгир Ортиқхўжаев: Амир Темур хиёбонидаги чинорлар кесиб ташланган вақтда сиз қаерда эдингиз?
- Азиза Умарова ҳукуматга сайловлар арафасида аҳолининг турмуш тарзини яхшилашга хизмат қиладиган олтита таклифни билдирди
Изоҳ (0)