Бош прокуратура ҳамда ДХХ томонидан ўтказилган тезкор тадбирлар давомида Андижоннинг Жалақудуқ туманида ўзини кадастр ходими деб таништирган шахс ва Бухоронинг Жондор туманида кадастр филиали мутахассиси пора билан қўлга тушди. Бу ҳақда Бош прокуратура маълумотларига таяниб «Gazeta.uz» хабар бермоқда.
Жалақудуқдаги ҳолатда муқаддам фирибгарлик жинояти учун судланган, ишсиз М.К. фуқароларга ўзини туман Ер тузиш ва кўчмас мулк кадастри давлат корхонаси ходими деб таништирган. Фуқаро М.А. ва унинг қўшнисига уй-жой қуриш учун «Ҳақиқат» МФЙ ҳудудидан ҳар бирига 6 сотихдан, 12 сотих ер майдони олиб беришини айтиб, эвазига 1300 долларни фирибгарлик йўли билан олган вақтида ашёвий далил билан ушланган.
Жондорда Ер тузиш ва кўчмас мулк кадастр давлат корхонаси Жондор тумани филиали мутахассиси Ф.С. Р. исмли фуқарони унинг 23 сотих ер майдонини деҳқон хўжалиги номига расмийлаштириш масаласини юқори лавозимда ишловчи танишлари орқали ҳал қилиб беришига ишонтирган. Бунинг эвазига эса олдиндан келишилган 400 доллардан 100 доллар ва 2 миллион сўмни олган вақтда ашёвий далил билан ушланган.
Юқоридаги ҳолатлар юзасидан Жиноят кодексининг 168-моддаси (фирибгарлик), 28-моддаси (жиноят иштирокчиларининг турлари), 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
- Фарғонада 8 гектар ер олишда ёрдам бериш эвазига 8 минг доллар олган собиқ кадастр ходими ушланди
- Андижонда саноат зонасидан ер олиб беришни ваъда қилиб, пора олган собиқ кадастр ходими қўлга олинди
- Самарқандда фуқарога 2 минг доллар эвазига ерга эгалик ҳуқуқини олиб беришни ваъда қилган кадастр хизмати ходими ушланди
Изоҳ (0)