Жиззах вилояти ҳокимлигида 14 февраль, душанба куни Ҳиндистоннинг Sambhram гуруҳининг филиали ҳисобланадиган Sambhram технология институти филиалининг очилиши юзасидан учрашув ўтказилди, деб хабар бермоқда вилоят ҳокимлиги матбуот хизмати.
Учрашув давомида вилоят ҳокими Эргаш Солиев ва Ҳиндистон делегацияси раҳбари Нагараж Венкатеш Sambhram Жиззахда Sambhram технология институти филалини очиш тўғрисида келишув меморандумини имзолади.
ЎзАнинг ёзишича, делегацияси раҳбари Sambhram гуруҳининг раиси, доктор Нагараж Венкатеш Sambhram Ҳиндистон ва Ўзбекистон ўртасида ҳар томонлама, айниқса, ахборот технологиялари соҳасида алоқалар ривожаниб бораётганини таъкидлаган.
Маълумот учун, Sambhram гуруҳи ва унинг филиали бўлган Sambhram технология институти Ҳиндистондаги олий таълим муассасалари ўртасида биринчи ўринда туради. Жаҳоннинг 31 мингдан зиёд олий ўқув юртининг орасида кучли 300 талик қаторида.
Кучли бошқарув базаси ва бир хил даражада кучли ресурслар базасига эга бўлганлиги туфайли Sambhram гуруҳи таълим, соғлиқни сақлаш, уй-жой қуриш, мулкни ривожлантириш, меҳмонхоналар ва дам олиш жойларидаги хизматлари билан кенг танилган. 30 йиллик изчил ва сифатли таълим тажрибасига эга, дунё бўйлаб 7 филиали, халқаро кампуслари — талабалар шаҳарчаси мавжуд.
Жиззахда ташкил этилиши мўлжалланаётган институтда 6 та факультет бўлиши кўзда тутилган.
Аввалроқ Жиззахда Россия тиббиёт университетининг филиали ташкил этилиши ҳақида хабар берилган эди
Изоҳ (0)