Тошкент шаҳрининг Шайхонтоҳур тумани Дучор берк кўчасида ёнғин юз бериб, 14 А-уй ҳудудидаги бир-бирига туташган 5 та уй зарар кўрди.
ФВВ матбуот хизматининг хабар беришича, воқеа 8 февраль куни соат 13:09 да юз берган. Воқеа жойига шаҳар ФВБнинг 3 та ёнғин-қутқарув экипажлари соат 13:16 да етиб борган, ёнғин соат 13:30 да қуршаб олиниб, соат 14:18 да тўлиқ ўчирилган.
Ҳодиса оқибатида 5 та уйнинг ички ва том қисмлари, жами 130 квадрат метр майдони зарарланган.
Олиб борилган тезкор ҳаракатлар натижасида уйнинг 360 квадрат метри ёнғиндан сақлаб қолинган. Ёнғин сабаби ва зарар миқдори аниқланмоқда.
Аввалроқ Намангандаги хонадонда рўй берган ёнғин бир соатдан сўнг бартараф этилгани ҳақида хабар берилган эди.
Мавзуга доир: Бўстонлиқда ёнма-ён жойлашган 7 та уй ёниб кетди
Изоҳ (0)