Лил Узи Верт номи билан танилган америкалик рэпер Саймир Вудс ўзининг Twitter’даги саҳифасида пешонасига қиймати 24 миллион долларлик пушти олмосни жойлаштирмоқчи эканлигини маълум қилди, деб ёзади Esquire.
10 карат бўлган ноёб пушти тошнинг оғирлиги тахминан 2 граммга тўғри келади. Рэпернинг сўзларига кўра, у биринчи марта олмосни 2017 йилда кўрган ва шундан буён уни сотиб олиш учун пул йиғган. Шунингдек, у олмос барча мол-мулкларидан, жумладан, уй ва Bugatti автомобилидан ҳам қимматроқ эканини қўшимча қилган.
Маълум бўлишича, операцияни таниқли шахслар билан тез-тез ишлайдиган заргар Эллиот Эллианте амалга оширади. Лил Узи Верт Money Longer таронасидан сўнг машҳурликка эришган ва икки альбомини чиқарган.
Изоҳ (0)