Ҳаммаси кўнгилдагидек: саломатликда муаммо йўқлигидан дарак берувчи кутилмаган аломатлар

Саломатлик борасидаги тиббий тавсиялар ва мақолаларни ўқиш жараёнида кўпчилик организмда юз бераётган ўзгаришларга қараб, турли хил касалликларнинг тахмин қилиши мумкин. Аммо бу сафарги белгилар беморликдан эмас, балки саломатликдан хабар беради. Шунинг учун ҳам қуйидаги 7 белги орқали саломатлик борасида муаммо йўқлигига амин бўлиш мумкин.

Қувват

Кун охирига келиб чарчоқ ҳис қилинса-да, аммо дам олиш ёки ухлаш истаги бўлмаса, у ҳолда тана стрессни енгиб чиқаётган бўлади. Албатта, ҳаммаси кун давомидаги вазифаларга боғлиқ. Борди-ю иш жараёнида ҳам тинимсиз ишлаб, яна уйдаги барча юмушларга ҳам куч етарли бўлса, захирага куч йиғишнинг кераги йўқ. Демак қувват кундалик юмуш ва бошқа эҳтиёжлар учун етарли бўлса, организмда муаммо йўқ, деб айтиш мумкин.

Нафас олганда оғиздан ҳид келмаслиги

Ушбу ҳолат ошқозон-ичак тракти, тиш ва милклар соғломлиги, ҳатто диабет билан муаммолар йўқлигини ҳам кўрсатади. Нафаснинг ҳидсиз ва тозалиги аниқланган бўлса, демак соғлиқ борасида хотиржам бўлиш мумкин.

Терининг эластиклиги

Билак, оёқ тўпиғи енгил чимчиланганда, тери тез орада ўз ҳолига қайтса, организмда сув миқдори етарли даражада эканлигидан дарак беради. Вақти-вақти билан организмда сув мидоқрини ушбу усул билан текшириб туриш мумкин.

Очлик ҳисси

Овқатлангандан сўнг қанча муддат ичида очлик ҳисини сезиш мумкин. Одатда, овқатланишлар орасида 3-4 соат ўтиши керак. Бу вақт ичида ҳеч қандай тановулсиз юриш мумкин бўлмаса, қандли диабет ёки модда алмашинуви жараёни билан боғлиқ касалликлар юзага келаётган бўлиши мумкин. Бундай ҳолда зудлик билан эндокринолог билан боғланиш зарур.

Соғлом кўзлар

Кўзнинг қизариши ёки сарғайиши кўриш қобилиятининг пасайиши билан боғлиқ бўлиб, барчаси жиддий касалликларга олиб келиши мумкин. Мутахассислар йилига камида бир марта офталмолог текширувидан ўтишни маслаҳат беради – бу нафақат кўзга, балки баъзи касалликларни дастлабки босқичиданоқ даволашга ёрдам беради.

ЎРВИга мойиллик

Агар йилига бир маротаба ЎРВИ билан касалланиш ҳолати кузатилса, бу жуда яхши натижа. Сабаби кучли иммунитетга эга одамлар ҳам мавсумий вирусга, албатта, дучор бўлади. Аммо шамоллаш ва грипп билан тез-тез касалланиш кузатилса, шифокорга мурожаат қилиш вақти келган бўлиши мумкин. Чунки иммунитет билан боғлиқ муаммолардагина айнан ушбу касаллик осонгина юқади.

Соғлом ичаклар

Одатда ичаклар 24—48 соатда бўшатилиши керак ва бунинг доимий такрорланиши жуда муҳим саналади. Агар ушбу жараёнда муаммо пайдо бўлса, шифокор билан маслаҳатлашиш зарур. Сабаби ичак билан боғлиқ кўплаб касалликлар мавжуд бўлиб, улар ўта хавфли ҳолатларни келтириб чиқариши ҳам мумкин.