AKFA Classes: Имконият ва талабаларнинг фаолият алоқалари

Илк AKFA Class ўқув хоналари Турин политехника ва Inha университетларида ўз эшикларини очди.

Бугунги кунда меҳнат бозори юқори малакали кадрларга муҳтож бўлиб, уларни ўқитиш энг аввало, таълим муассасасидан бошланади. Буни билган ҳолда, дунёдаги бир қатор йирик компаниялар ўзларининг катта имкониятларга эга мутахассисларни тайёрлайдиган университетлар билан яқин ҳамкорлик алоқаларини ўрнатмоқдалар.

Бундай ҳамкорлик ҳар иккала томонга ҳам самарали қуролга айланди, негаки талабалар ўқишни тамомлагандан сўнг катта маош тўланадиган ишга эга бўлсалар, компания эса истиқболли кадрларга эришади. Пировардида бу ҳамкорликдан барча ютади.

Компания Турин политехника университети, Inha университети, Тошкент ирригация ва қишлоқ хўжалигини механизациялаш муҳандислари институти ҳамда бошқа олийгоҳлар билан бир қанча меморандумлар имзолашга улгурган. Уларга кўра, олийгоҳларда махсус AKFA Class (ўқув хоналарини) ташкил этиш аниқ кўрсатилган.

Яқинда AKFA ўқув хоналари Турин политехника университети ва Inha университетида ўз эшикларини очди. Уларнинг асосий мақсади истеъдодли талабаларни аниқлашга ва қўллаб-қувватлашга қаратилган.

Турин политехника университетида AKFA ўқув хонасининг очилиш маросимида: «Сиз энг улкан орзуларингизни амалга оширишингизни ва олдингизда турган мавжуд барча имкониятлардан максимал даражада фойдаланишингизни ва, албатта, ҳар бирингиз ўзингиз учун мақсадни аниқлаб, уни ҳаётга татбиқ қилишдан қўрқмаслигингизни истаймиз», – деди AKFA Group ижро директори Камран Ғуломов.

AKFA ўқув хоналари талабаларни компания профилига мос келадиган йўналишларда сифатли тайёрлаш учун зарур техника билан жиҳозланган. Жумладан, Тошкент шаҳридаги Inha университетида AKFA Group ишлаш учун 40 та кучли компьютерга эга ўқув хонасини яратди.

Шунингдек, компаниянинг етакчи мутахассислари билан маҳорат дарслари ва тренинглар ўтказиш режалаштирилган бўлиб, улар талабалар билан бизнес, ҳуқуқшунослик, кадрлар бошқаруви, бухгалтерия ва бошқа соҳалардаги билим-кўникмаларини бўлишишади.

« Компания ва таълим муассасалари ўртасидаги ҳамкорлик бизга талабаларни ўзларини англашга қаратилган ўқув дастурлари ва семинарларга таклиф қилишимизга имкон яратади, шунингдек, ўзларининг билим ва кўникмаларини тажрибамиздаги кейслар ёрдамида синаб кўришларига ёрдам беради. Биз AKFA Group томонидан ҳамкор университетларга стипендия дастури ва грантларни тақдим этиш ҳамда талабаларни саноат мажмуаларимизга, жумладан, R&D ва IT марказимизга экскурсияга таклиф қилиш ниятидамиз», – дейди AKFA Group ижро директори Камран Ғуломов.

Айни чоғда замонавий ўқув хоналарининг очилиши самарали кадрлар тайёрлашга имкон яратувчи инновацияларга йўл очади, деган умиддамиз.

Реклама ҳуқуқи асосида.