Жиззахда ноқонуний равишда олтин рудасини қазиш билан шуғулланган тўрт нафар фуқарони тош босиб қолди. Бу ҳақда вилояти ИИБ ахборот хизмати хабар берди.
Маълумотларга кўра, тош босиб қолган фуқаролар Ғаллаорол туманидаги «Булоқбоши» ҚФЙда истиқомат қилиб келган. Улар қишлоқдан 7—8 километр узоқликдаги тоғ бағрига 12—15 метр қазиб кириб, ноқонуний равишда олтин рудасини қазиб олишга уринган.
Фожиа оқибатида йигитларнинг 2 нафари воқеа жойида вафот этган, 2 нафари эса турли хил даражадаги синиш ва бошқа тан жароҳатлари билан шифохонанинг жонлантириш бўлимига ётқизилган.
Эслатиб ўтамиз, 2020 йилнинг октябрида Жиззах вилоятида жойлашган Тангисой тоғидан олтин рудасини қазиб олиб, ўғирлашга уринган икки нафар фуқаро ички ишлар органлари томонидан қўлга олинган эди.
Изоҳ (0)